Priljubljene svetopisemske vrstice iz Chiyambo 11

Deli

Ndipo Ambuya anguti, “Ehe, mbanthu ŵa khamu limoza ndipo wose ŵendi mazu ghamoza; ndipo ichi nkhwamba ŵaka kwaku vyo ŵakachitanga; ndipo sono kuti ŵakatondekanga cha kuchita cho ŵakhumba kuchita. Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Sono ŵanguti, “Tiyeni tijizenge msumba; ndi sonjo pachanya, wafike ku mtambo, ndipo tijichitiye zina, vinu tingamwaranikiya pa charu chose.”

Chifukwa cho zina lake lingudanika Babele, chifukwa pa Ambuya angutimbanizga lilime la charu chose; ndipo kutuliya penipa Ambuya anguŵaparghang'a pa charu chose chapasi.

Sono charu chose chenga ndi lilime limoza ndi mazu ghamanavi.

Ndipo Ambuya angusika kuzachiwona msumba wo ndi sonjo, vyo ŵana ŵa ŵanthu ŵanguzenga.

Viyo Ambuya anguŵambininiskiya pa charu chose chapasi kutuwa penipa, ndipo ŵangureka kuzenga msumba wo.