Priljubljene svetopisemske vrstice iz Bahisa 2

Deli

Duuba Waaqi boha suni d'ageennaani wold'aqisa duri Abrahamufi Isaaqofi Yakobooni woliini tolfate kaani qaabate finna worraa arge naheefi.

Eegi ganna heddu hayyuuni lafa Misiri lubbu d'abe; ammo taatule gosa Israeli gaargala tissooma kaani woma iti ingoomne. Tanaafi worri Waaqati bohe qarqaarsa kad'ate, kad'a suni Waaqi d'agaye.

Eegi suni daimi guddannaani isiini intala Faraotiini d'ufte, duuba isiini ilma tolfatte waan ufiini jette, Anini bisaani keesaa isa fuud'e, tanaafi maqa isaa Musa baasa jette.

Intalti Farao waan isiini jette, Daima kana fuud'i, duuba anini waan si male sii kenna. Tanaafi niitiini taani daima fuute guddifte.

Jennaani intalti Farao bisaani d'iqachu galaana d'ufte, ka hojattuuni isii afaani galaana dedeemtu. Ato teete bisaani d'iqattu, dadu ilaadu keesa bisaani gubbaa teetu garte hojattu isii ergite, Fuud'i jetteeni.

Musani guddate jennaani guyya toko gara gosa isaa d'aqe, aka worra gaargalchani hubate; ammalle namicha gosa Misiri toko ka tae nama gosa isaa ka Ebrania d'aanu arge. Jennaani mirga bitaa millate, namu ufi bira d'amnaani namicha gosa Misiri kaani ijeese maansa keesati awaale.