Priljubljene svetopisemske vrstice iz KHURULA 8

Deli

Navutswa lwa vakhumu vachelitsa khulomba tsindaha, khuvirila mu vukhumu vwavo, vakhaywa. Tsindaha tsiali khu vandu nende miruku. Vakhumu vavoolela Mwami wa Misri, “Nyasaye neye ukholi yaka!” Navutswa Mwami wa Misri yali muhaaka, khandi niyambakhana khuhulila makhuva ka Musa nende Haruni vamuvoolela, khulondokhana khuli Mwami Nyasaye yali navooli.

Nalwo lwa Mwami Nyasaye yavoolela Musa, “Simukha utsi khu Mwami wa Misri, umuvoolele Mwami Nyasaye avoolanga, ‘Lekha vandu vaanje vatsi, nikanyalikha vandumishile.

Lwa Mwami wa Misri yalola ndi tsing'alo tsimali khukhutsa, yali khandi muhaaka, khali niyambakhana khuhulila makhuva ka Musa nende Haruni vamuvoolela, khulondokhana khuli Mwami Nyasaye yali navooli.

Navutswa niiva uliitsa khwambakhana khuvalekha vatsi, nzitsanga khusalilitsa shivala shioshio shiosi, nimbikhanga tsing'alo shia havundu hosi.

Mwami Nyasaye yavoolela Musa, “Voolela Haruni atuuye hasi ni indovoshi yeye, khu lukuushi lukalukhane khukwa tsindaha, shia havundu hosi mu shivala shia Misri.”

Mwami Nyasaye yakhola ndio. Vituma vinyishi vi tsinji vinjila mu inzu yu Mwami wa Misri, yu vwami halala nu mu tsinzu tsia varumishi va vandu veve. Havundu hosi mu shivala shia Misri, hononyinywa shichila tsinji.