Priljubljene svetopisemske vrstice iz Mateu 13

Deli

Mbwenye mbeu idagwa pa mataka adidi isalongera ale anabva fala ya Mulungu mbaibvesesa. Na tenepo, awa asabaladi misapu yakukwana, makumatatu, anango makumatanthatu, anangombo dzana pa mbeu ibodzi.”

Mbeu idabzalwa pakati pa minga, isalongera ale anabva Mphangwa Zadidi mbakhonda kubala misapu, na thangwi ya kukula kwa pinthu pya kunyerezera pya padziko ino, pontho na kusaka kupfuma, pisacita kuti fala ya Mulungu ikhonde kufantsa pontho ikhonde kubala misapu.

Ale anabva Mphangwa Zadidi za Umambo wa Mulungu mbakhonda kuzibvesesa, asabwera nyamalwa kudza kabulusa pire pidapita m'mitima. Eneyi ndiyo mbeu idagwa m'mbale mwa njira.

Mbeu idagwa pa mataka a myala isalongera ale adabva Mphangwa Zadidi mbazitambira na kukomerwa. Mbwenye nkhabe khala n'dzidzi ukulu ene, thangwi nkhabe michici. Na tenepo, nyatwa zingaagwera, peno angachingwa na thangwi ya fala ya Mulungu, asabwerera n'nduli na mwansanga.

“Umambo wa kudzulu walandana na mpfuma yakubisiwa m'munda. Munthu anailokota asaibisa pontho. Mbaenda na kukomerwa konsene kagulisa pinthu pyace pyonsene pina iye, mbagula munda unowu.

Mbwenye mbeu inango yagwa pa mataka adidi. Na tenepo, yabala misapu: makumatatu, makumatanthatu, inango dzana pa mbeu ibodzi.”

Siyani pyonsene pikule pabodzi, mpaka n'dzidzi wa kubvuna. Pa kubvuna, ndinaapanga anyakubvuna kuti pakutoma agumanye nyakasongole mbamanga mapuli toera apisiwe na moto. Angamala agumanyembo tirigu aikhe n'cikwa mwanga.’ ”