Priljubljene svetopisemske vrstice iz Genesi 19

Deli

Aholu mwangadzi wa Loti a di khedzisa hwane, a vbindrugedza a khala githombe nya munyu.

Kha nga a nga bani a gu kanakana, dzingilozi dzi di mu phara khu mandza, uye gumogo ni mwangadzi waye ni sanana saye sa sivili nya sagadzyana, khu kotani nya gisiro PFHUMU Nungungulu a gu nagyo khu uye. Dzi di mu dusa, dzi ya mu vega vbavbandze nya lidhoropa.

Na dzi gu mu dusa vbavbandze, dzi di mu embela, khidzo: “Vbanyisa womi wago! U nga khedzisi hwane gwago, gambe u nga emi wulanga panini, thavela gigomoni gasi u si mbembi!”

Avbo Nungungulu a nga bani a gu khungumula madhoropa ya panini, a di alakanya Abrahama, a gu vbulugisa Loti gumbemba, madhoropa a nga bani a gu vbanya umo ma khungumudwa.