Priljubljene svetopisemske vrstice iz Matias 16

Deli

Gena ḏua, Yesus 'o kanau Tai me-mete'e, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara re balasu 'o doiti 'ai salib kara 'o mete'e Ngoi tau-taunu.

Sababu gena-ge, Ngoi nena-ne to siajele ra ngana: Ngana nena-ne tini si'aro'o 'a Petrus: gena-ge ma ngale ‘maḏi’. Dadi ngana ma tero sa'olo maḏi di'a wala ma bangini. Re toma maḏi nena-ne ma re'u, Ngoi to simomi'i 'Ari jama'ata. Re kuasa sengene mai ya singi-ngiranga nga'unu ua.

Soroga ma pareta ma kuci, Ngoi ḏuanga i'a to pula'a ra ngana. Dadi 'oru ga'a ngana toma dungia nena-ne no simaha ua, Ma Jou'ongu Madutu toma soroga mai Ra mete'e ḏi'i. Re 'oru ga'a ngana toma dungia nena-ne na simaha, Ma Jou'ongu Madutu toma soroga mai Ra mete'e ḏi'i.”

Sababu 'a guna ḇato ga'a 'o kadiarata pa'i 'ai 'ahu toma dungia nena-ne ḇato, unanga gena-ge 'o sanga ua 'ahu kasingado-ngadolo i'a. Mada'a 'a guna ḇato mete'e 'ai mau masiretene riwara sababu 'o mau mete'e Ngoi; unanga gena-ge ḏuanga i'a 'o sanga 'ahu kasingado-ngadolo i'a.

Sababu ma 'utungu 'i cua na'o ngowa'a matengo 'o sanga 'ori i'a rana mo-moini toma dungia nena-ne ma dara, mada'a 'o sanga ua 'ahu kasingado-ngadolo! Sababu 'ori i'a rana mo-moini toma dungia nena-ne ma dara 'i sipula'a ua 'ahu kasingado-ngadolo i'a!

Yesus dadunu 'o sano, “Mada'a na'o mete'e ngini masiretene nena-ne, Ngoi ne 'a guna?” Simon Petrus 'a sangoro, “Jou 'O Kristus, Ma Jou'ongu Madutu 'o 'ahu-'ahu, Unanga gena-ge 'Ai Ngowa'a Nau'u.”

Yesus 'o kanau, “Simon 'a Yona 'ai ngowa'a nau'u, ngana no bara'utungu madutu! Sababu manusia ua 'o siajele gena-ge ra ngana, mada'a 'Ari Ḇaḇa toma soroga.