Priljubljene svetopisemske vrstice iz VARUMI 4

Deli

Aburahamu si yahayahayiza lilagana lia Nyasaye kuvitira mu livula kusuuvira mba, navuzwa lisuuvira lilie liazizagilira kuva ni zinguru nu kukuminya Nyasaye. Yaali nagiligali ndi Nyasaye anyala kokora cha amali kulaga.

Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

Aburahamu yasuuvira no kohenzerera, kali vugira kivuni kilahi cho kohenzerera, na ndio, yaduuka kuva, “Baba wi zihiiri zinyingi.” Kuli Mang'oda Matakatifu gavoora, “Visukululwi vivio vilava vinyingi kuli ndi!”

Kigira yaga, lisuuvirizwa liatura ku lisuuvira; kunangwa lisuuviriza liduuki kuvikwa ku muhuri ni kihanwa cha Nyasaye yahaana vuzwa ku visukululwi vosi va Aburahamu. Sigaveeye vuzwa ku yavo vatizaa Lilaga venyine, navuzwa ku yavo kandi avasuuviraa kuli Aburahamu yakola. Aburahamu aveeye baba wiitu kunyi vosi mu Roho.

“Vaveeye nu vugasu avamahiolo gaavo gasamiihiywi, kandi avuvwoni vwavo vukunikiywi! Aveeye nu vugasu mundu uyu wu Mwami avulaa kuvaliza vwoni vwivwe!”

Mang'oda Matakatifu gavoora ki? “Aburahamu yasuuvira Nyasaye, kandi kigira lisuuvira lilie, Nyasaye yamuvugilira kuva mulungi.”