Priljubljene svetopisemske vrstice iz LUKAS 13

Deli

Yesus adya saaboka lebokaʾ ara, ”Nimi nauba weknemab senewoka dubnemak bok, weknenggunumakaʾ anasa, ugunda mek pik weknemab senewoka yeiriwoka dulululum.

Dara e nenyek ara, gela hnon bisaʾ gologomokaʾ adya, alda gibnaʾ sago daraʾ badya neiklemok. Gel gera alda bulum-bulum adya amnyaʾ dumokaʾ adya, domdigum seknaʾ dibaʾ sekna dara, seknamenggom. Yesus adya gel genyek eiyimok dara, alja yalom aboka lebokaʾ ara, ”Genong o, anda wera neiklelam neiknaʾ ek ab seleb merewalam!” hyok.

Dara Yesus adya gel genyek soruka dibok dara, wene salek enyek, gel gera jongaʾ sekoka, Imik Neyung ak giblemok.

Dib unuwanamakaʾ ara, wenyek mengewoka ulumak nim era, hnonda eimik dangoka, onoʾ wen eimik dangoka ulumak nim era, hnonda mengewanamak nimi danamak,” hyok.

Wera e damnya bedya sekoka pika seregalya sum era, ugunda beiyek sam sekoka pika baksilom aboka glorum-glorum henenulumaʾ ara, Neyung o, nunsamba pika baksilom! Wenyhenelum bok, ban benedya lebledya, Ugunda hekmok nim, nara elgom ulusin bok bar!

Anadya gomaʾ, orok! Ugumba malya unaʾ ak ab ganya dangawanggunulum dara, sikba somogek sok, ugumba unu somoganalum amnaʾ anyek, ugunda pe beknelum,” hyok.

Bok e damnya bedya lebnamlaʾ ara, Nara elgom nim ek anasa, ugunda hekmok nang? Ugunda malya unaʾ hwam ok ululumaʾ anasa, anyagan abaʾ men berra bululum! henesil,” hyok.

Yesus adya heibsukaʾ ara, ”Imik Neyung adya wenelesilaʾ ara, hekaʾ anasonya ulumla do? Nadya dara, hekaʾ anaso ulumlaʾ seiniwoka sunuwanamna do? Wera ban sununaʾ eneso ulumla. Nimi ben hnon geibya yinaʾ doboka alja wak sam doklamlaʾ anaso ulumla. Yinaʾ bongowoka welewoka gala dangalamla dara, wininga bul yalamak,” hyok.