Priljubljene svetopisemske vrstice iz MATIUS 27

Deli

Dangga sug edebeij deinyor igda edeijohob, kaba, Yesus eiyagarij en mena dara mer medam, endagai: Eli, Eli, lama sabagtani. Gini men meijouhw dag: Indan Allah, indan Allah, dagiro naugb ban barges dan deb, anara?

Dangga minc geb dougwo Allah Men Dimei Gecabeci agaga dau moc gada terim bedos gaih gedag hwai icira namcir. Dara inyomda eisa betitir cinogo augwan. Dara igdahab gouji augwan obrugb namcir toua. Dara leng lomom gedig len laimo areg asesa Allah enin medoc mes sug nosohob, kaba, Allah ec aremoung moda dau len laugwan naugb len leisa toua.

Doba Yesus, kaba, en eiyagarij en Mena dara mer medam mougwa hom deit. Hanoba enin esa mena bomom namcir.

Sug leng sadodor gedig len lesedougwo Yesus se sogo salib ingga dara meren mougt mera, len leiya dau inyomda etitir cinogo. Dara len leiya dau aremer gus augwan toua, kaba, len merdoc omom an gin namcir. Hanoba len lenara doum, lendagai: Sud hom gini Allah Meisi misen namcir.

Doba sug edebeij igda aga bogohob, kaba, loba ecgun cinogo gin augwan terimda edebeij igda edeij toua.

Doba Pilatus en auni len merir ucugb deit, endagai: Sug yen youwan dag gini, kaba, dan deb ara dara Yesus gina? Anai yen yeigdoumesa en moho dag en eigdoc yen dau meijen gogom augwanohoba? Doba len laugwan lesa merir medam an dou en ucugb, lendagai: En, kaba, ban barougb aban sadodor naugb len letob en dara sogo salib namcir. Doba Pilatus eijidougwo len ucugb deit, endagai: Men geicara gecgu dagiro? Hang dan darougb indan sadodor naugb len letob en dara sogo saliba? Doba len laugwan lesa merir, aninim dag len leijara dou en namcir, lendagai: Ban barougb lusud naugb len letob en dara sogo salib namcir dous.