Priljubljene svetopisemske vrstice iz MATIUS 25

Deli

Dangga mougt mera medam dan demauni dou len dag gini, dendagai: Yen youman dan indir an deigeigouhw. Sug yen yeicara dag graga dou dan insir gedig lusud lowun len meroho eb tainya namcir, kaba, gini dag yen yeicara dag gin dou dan touohob.

Sug mougt mera ouman dau gin, kaba, en eigdoumesa en moho an namcir, endagai: Sug ban besedougwo indan aregoufu gurereito gini dag ginohob, kaba, dan deigdoumesa ban aboho naugb ban besedougwo indan aregoufu einyana deit. Anai aban geicara augwan gini eigouhw namcirohob. Dara ban beinesa naugb dan demeic areg geic dan indoc agahugouhw dou dan gini ingma dou ban toua. Anai bani indan sogougb gedag beim, dara ban baimo dan indir dara ban abdoc hom touohob.

Anai gareg en eic einyana ato dou dani, kaba, dan deic einyana batij bobdaga dou en toua. Doba gareg en emeic ingma emato dou danero, kaba, dan dedug gurereito areg geb naugb enohob augwan ucugb dau en toua.

Sug Yesus eic gainyenara dag graga dou men logodehohob, kaba, en esulou len debin gin deit, endagai: Dangga hang, yen yesedeh yauweila dougwo Lona Sug Dan Decicugb aud yen gin toua. Anai yen yemecinaga cumougt sug dan decicugb dag misenero.

Anai sug sireba dan, kaba, yen yeic ared dou dan det. Dara sug merijeba dani, doba yen yeic duhu dou dan deg. Dara dan dedag lugmahara se yen meijufu, doba yen yebin dan se meijen tu toua.

Sug mougt mera ouman dau gini, kaba, en eigdoumesa en moho an namcir toua, endagai: Sug ban besedougwo indan aregoufu gurereito gini dag ginohob, kaba, dan deigdoumesa ban aboho naugb ban besedougwo indan aregoufu einyana deit. Anai aban geicara augwan gini eigouhw namcirohob. Dara ban beinesen naugb dan demeic areg geic dan indoc agahugouhw dou dan gini ingma dou ban toua. Anai bani indan sogougb gedag beim. Dara ban baimo dan indir dara ban abdoc hom touohob.

Dara sug indan sansun ingmaro, kaba, yen yeic sansun edeinyum dou dan. Dara sug areba dan, kaba, yen yagauwesa dan namcir. Dara sug dan deisa tu gesisug, doba yen yousa dan sungga toua.