Priljubljene svetopisemske vrstice iz MATIUS 21

Deli

Dangga hang, areg yen yacgeij dau Allah dareg yen meigdoc ebdebin an en namcir, kaba, en emeic dou yens.

Doba Yesus auni ucugb dou len, endagai: Sug yen yod meijina debsa Allah an men goubesa hom namcir, dareg yen yemeija meijuwesa men goubesa hom gin touwero, kaba, yen yebara dag dan deicara dou sogo ara ingga toua. Dara gin dousero. Doba meijen goubesa edeinyum naugb sug yen yenara dou menmod gin naugb en eisa dau mohw terimda bedobsaresa se dum mohu namcir. Hanoba en aimo debin yen meijir asesa dangga toua. Yen youman dan indir deigeigouhw namcir. Anai augwan gini asesa dag misen namcir.

Dara lusud gedig len leino Yesus men. Dara lusud gedig len laimo ucan Yesus dig medigo, kaba, len laugwan lebiji naugb lesijaresa Allah an en, lendagai: Allah, ban besedougwo Daud Medebeito gini dau areg gogom augwan namcir. Dara ban beic geigouhw dou en toua terimda. Anai en en se Adehsud, ban aboho, naugb emenohob. Dangga hang, emen emagahugouhw an ban gedig ban beigtou se bogo geb taiba dau augwan gin namcir toua.

Hanoba en esa mer debin len toua, endagai: Allah en og deb se Surad Injil Meb Mohon deb nosohob, endagai: Indan tuari gini, kaba, dan douwan lusud leigdoumesa moho gini dag tu areg lusud locuncum dou dan se gin dous. Doba yen, kaba, yen yeperwei tuari gini dag igdohos mes areg lusud lecgoneh len merug dau lusud sug len lesma meren aremougb dau lenohob. Anai areg yen yeic baum aregoufu dau len, kaba, yen yeic dag yen yahamera dau len terimda.

Yen yen dou leng se cinogo Sion, yendagai: Yeng se Sion yen youman deigeigouhw. Anai se lona hom, kaba, meijen mougt mera medam en en aud yen naugb en eigdoc yen dau areg gogom geb debin yen yaugwan namcir. Dara en emeigdoumesa enin moho emagas deseino yen touwero. Doba en eisa keledai goho ara gogom men meh meijaba medgomori aud yen dous, anai en medoc arjaga namcir.

Sug mougtir launi dag graga dou Yesusohob, kaba, en enara bauwun len merir an gini, endagai: Yen youman dan indir an areg dan den dou yen gin deigeigouhw namcir. Anai yen yemedug Allah men mera ingma ucugb dou enero. Hang en emoiharaga yen toua deitero. Doba en edoiharaga leng ledug men mera ucugb dou en dous.

Dara lusud lenara eisaugb aremer gini deb se Surad Injil Meb Mohon deb sug nosa touohob, lendagai: Igdahab hom areg leng lohud tu lerbahaba deb, kaba, maman Adehud Allah enin eng eigdoumesa dag buc mandeij ucugwohob. Dangga hang, maman maimiman dau men geicara hom gin namcir toua. Yen yecic dau gin touohobei? Era yen yemecicbumei? Naro, yen yecic dau augwan gini dag misen touohob. [