Priljubljene svetopisemske vrstice iz Yohanes 6

Deli

Notiꞌi hi Yesu, “Akumo hieꞌe pangka to mepaꞌani kotuwuꞌ. Himo to humei pe Aku hei mepoꞌohi, hamboaꞌmohi bilora hei hamboaꞌmohi mangkumaro wute nantolou-louna.

Komarohona toaꞌ hawaꞌi modumbuꞌ. Inohaꞌnamo Pueꞌ Ala to mepaꞌani kotuwuꞌ. LolitangKu to Kupowutekikei mesuwu ka Inohaꞌna Pueꞌ Ala hei mepaꞌani kotuwuꞌ to hawaꞌi mokoꞌukoa.

Inioꞌkei majama mampaliꞌ pangka to hampihalaolu uko hei hantouꞌ wuhoni. Majamamokei mampaliꞌ pangka to hawaꞌi hohumbo wuhoni hei to mepaꞌani kotuwuꞌ to wolaꞌ to hawaꞌi mokoꞌukoa. Anaꞌ Manusiaꞌ to hingkiꞌ mampaꞌanikei pangka tiꞌo, alaꞌ Iomo to Noponiuꞌ Pueꞌ Ala.”

Hieꞌemo peleihane UmoꞌKu: hingkeꞌna hihimolu to pangkiꞌA hei mepoꞌohi pe Aku anaꞌNa, hingkiꞌ pahuahi kotuwuꞌ to wolaꞌ to hawaꞌi mokoꞌukoa, hei hingkiꞌ Kupopeꞌarohi i ando pobutusi i koꞌukoana duniaꞌ.”

Notiꞌi hi Yesu, “Hieꞌemo to nolei Pueꞌ Ala hingkeꞌna iwalikei: mepoꞌohimokei pe Aku to Norumbaꞌ Pueꞌ Ala humei.”

Lekiꞌ-lekiꞌna toaꞌ to NopaꞌanikiꞌA UmoꞌKu, bateꞌna humei pe Aku. Hei himolu to humei pe Aku, bateꞌna Kutorimo hei hawaꞌi Kusapuaka.

Notiꞌi hi Simo Peturuꞌ, “Ane kipolihiKo Pueꞌ, pe hihimo kiꞌako? Ingkolu to mampasuwu lolita to mepaꞌani kotuwuꞌ to wolaꞌ wute nantolou-louna.

Akumo hieꞌe pangka to mengkohou humei ka suruga, pangka to mepaꞌani kotuwuꞌ pe toaꞌ! Himolu to mangka pangka hieꞌe hingkiꞌ pahuahi kotuwuꞌ to hawaꞌi mokoꞌukoa. Pangka ngkotuwuꞌ hieꞌe, palaihana wotangKu to Kupewei hingkeꞌna toaꞌ i duniaꞌ pahua kotuwuꞌ.”

Hawaꞌi uwaꞌ haduo to wadi humei pe Aku, ane hawaꞌi nokomi UmoꞌKu to morumbaꞌA. Hei himolu to humei pe Aku, hingkiꞌ Kupopeꞌaro ka komahia i ando pobutusi i kotutuana duniaꞌ.

Pangka to nopaꞌanikikei Pueꞌ Ala, iomo Io to mengkohou humei ka suruga hei mampaꞌani kotuwuꞌ pe toaꞌ i duniaꞌ.”

Akumo hieꞌe pangka to mepaꞌani kotuwuꞌ.

Uko katoꞌo, noroamo hi Yesu depa hante bouꞌ tiꞌo, Nopekokaeki, Nopaꞌanikimohi topeguruNa hingkeꞌna rodolaꞌ-dolaꞌi pe toaꞌ to woriꞌ to kolentuꞌara mahura. Mangkamohi lekiꞌ-lekiꞌra wutehi wohu. Wohumohi lekiꞌ-lekiꞌra, notiꞌi hi Yesu pe topeguruNahi, “Irampukei lobine, hingkeꞌna hawaꞌi uwaꞌ to rotube.”

Komoꞌelara mobohe limo ba oni kilometeꞌ ka bota rano, roꞌokiꞌmo hi Yesu matengkaꞌ i womboꞌ uwai nolou mampohidupaꞌkihi. Morokaꞌmohi mpololeke, angkana notiꞌi hi Yesu, “Inioꞌkei morokaꞌ! Akulu hieꞌe.”