Priljubljene svetopisemske vrstice iz Pewaliana 6

Deli

iomo horiana nohohoꞌmo laline PUEꞌ, alaꞌ Nowalimoꞌi manusiaꞌ i duniaꞌ, hei tiꞌo mampomasusa laliNa.

Ikonoꞌelenalu Pueꞌ waliane manusiaꞌ to kodake monono mpuꞌu i duniaꞌ, hinangkana pampekirira timulu mampowuaꞌkilu kokodakea

Angkana uwaꞌ haduo to mampomotanaꞌ lalina PUEꞌ, iomo hi Nohoꞌ.

Hieꞌemo lolitonane tuwuꞌna hi Nohoꞌ. Hi Nohoꞌ iomo haduo to mononto lalina, hei tungkuꞌ hante mohaꞌanu hante Pueꞌ Ala, ka lekiꞌna toaꞌ i tempo tiꞌo.

Mohawaꞌmo PUEꞌ, “Hingkiꞌ Kuporopuꞌmo manusiaꞌ to Kupopewalimo tiꞌo i womboꞌ duniaꞌ, watoꞌo woꞌo lekiꞌna pinatuwuꞌ hante lekiꞌna tinti, alaꞌ konohohoꞌKu, ikoKuwalira.”

I tempo tiꞌo, manusiaꞌ mepongkamo mawunene koworiꞌne i womboꞌ duniaꞌ hei iohi mampoꞌanaꞌkihi anaꞌ towoweꞌe, katoꞌo anaꞌ-anaꞌna Pueꞌ Ala ka suruga mampeꞌele anaꞌntowowalo tiꞌo hingkaꞌ manobaꞌ, katoꞌo roroa mewali hantambira himo to rolei io ropohantambi. Mohawaꞌmo PUEꞌ Ala, “InohaꞌKu hawaꞌi hingkiꞌ lebaꞌ nantolou-louna i lalina manusiaꞌ, alaꞌ manusiaꞌ tiꞌo tontona mahi, hei mepongka hinewoꞌena tinuwuꞌra hingkiꞌ hanatu merompuluꞌ ntoꞌalu.” I tempo tiꞌo, toaꞌ-toaꞌ to hingkaꞌ kodeꞌ hei maroho mpololeke uwaꞌ i duniaꞌ, iohi tiꞌo muleꞌna ka anaꞌ-anaꞌna Pueꞌ Ala hante anaꞌ ntowoweꞌena manusiaꞌ. Toaꞌ-toaꞌ tiꞌomohila to kodeꞌ liaꞌ maroho hei nipohibahaꞌhi i tempo hampiha.

Katoꞌo hi Nohoꞌ mampetuntui lekiꞌna tiꞌo, hitontoꞌ hante to nohowoiꞌkiꞌi Pueꞌ Ala pe io, watoꞌomola konowaline hi Nohoꞌ.

Mohawaꞌmo Pueꞌ Ala pe hi Nohoꞌ Notiꞌi, “Kubutusimo hingkiꞌ Kuropuꞌi kotuwuꞌne hinangkana to tuwuꞌ, alaꞌ duniaꞌ buhaꞌmo kokodakea, mewaliꞌ hingkiꞌ Kuporopuꞌmohi moꞌawa-awa hante duniaꞌ.

Mowalimoko haꞌanu duanga ka loti to maroho mpololeke. Duanga tiꞌo hangangaa iwali mokotaꞌ-kotaꞌ hei hangangaa ilopihi hante taru ka huwalina hante ka lalina.

Pueꞌ Ala mampeꞌele kokodakena duniaꞌ, alaꞌ manusiaꞌ mowalia to kodake i duniaꞌ.

Hei ka hinangkana pinatuwuꞌ, ikomi hampasa-hampasa pe lali duanga tiꞌo, hingkeꞌna terewahiꞌi tuwuꞌre moꞌawa-awa hante ingko.