Priljubljene svetopisemske vrstice iz Pewaliana 49

Deli

Hi Yehuda hingkiꞌ motiko laiꞌ kodatua hei makuasaꞌ, muleꞌna hingkiꞌ moparenta nantolou-louna. Toaꞌ malekiꞌ ka kodatua-kodatua hingkiꞌ mangkomi popenomba pe io, hingkiꞌ metoungkaꞌhi hei mengkoruꞌhi i hinarona.

Hi Yusuf winoro kalide to moleaꞌ. Kalide mpoꞌilo meꞌohaꞌ dodungku i mata uwai, hei mesilai-lai i papina. Kehapoꞌi to mepana meꞌewa hei mepodapaꞌ hingkiꞌ mopanaꞌi

Angkana meliu tene komarohone korawene hi Yusuf mepopana. Hawaꞌi bata-bata laline. Alaꞌ pepoꞌowonina kuasaꞌna Pueꞌ Alana hi Akoꞌ to morewahi toSaraeli. Pueꞌ Alana umoꞌmu to mosulungiko, to makuasaꞌ mobarakatiko hante ura ka laniꞌ, hei uwai ka lali woiꞌ, hei woriꞌ pemuleꞌamu.

Yehuda, ingko hingkiꞌ penaniko ka poniꞌ-poniꞌmu. Halalimuhi hingkiꞌ mamperenakiko, hei hingkiꞌ melingkotuꞌ i hinaromu. Hi Yehuda hibali singa to moleaꞌ tene, io morokoꞌ pinatuwuꞌ to hingkiꞌ noꞌoka hei mahuliꞌ pe peꞌohaꞌana, turumo itoꞌo hei hawaꞌi uwaꞌ to podehoꞌ molukeꞌi.

Rube, anaꞌku tokokaꞌ, ingkomo rohongka, ingkomola uluꞌ anaꞌka to nipoꞌanaꞌki i tempoku moleaꞌ tene. Ingko to manobaꞌ hei to maroho ka lekiꞌna anaꞌku. Ingko hawaꞌko morii peleihana lalimu, hibaliko uwai to makehiꞌ poꞌiline, horiana hamboaꞌmoko rorekeꞌ to kokokaꞌ, to ropengkoruꞌi alaꞌ ingko turuko moloꞌori hante hantambingku, ikokomaꞌimo koturuangka.