Priljubljene svetopisemske vrstice iz Pewaliana 22

Deli

Iomo horiana pebolaꞌa tiꞌo hinaꞌ nokokeneꞌi hi Burahima, “PUEꞌ mampoꞌuwaꞌ hapo to toparaluꞌi.” Wute hinewowoꞌena poko rotiꞌi “I womboꞌ birina PUEꞌ, PUEꞌ mampoꞌuwaꞌ hapo to niparaluꞌi.”

Notiꞌi womo Pueꞌ Ala, “Noloumoko pe woiꞌ Moria hante hi Isaki anaꞌmu to hadoduona, to ipotundeꞌ mpololeke. Inoꞌo uwaꞌ haꞌanu biri to hingkiꞌ Kutidoꞌkiko. Hangangaa irereꞌ anaꞌma honiꞌi idompuhi mewaliꞌ popenombamu pe Aku.”

Liu notiꞌi malaꞌekane PUEꞌ, “Inioꞌ irokoꞌi ba ipahampo-hampoꞌi anaꞌma tiꞌo. Hinewoꞌena Kubahaꞌmo pengkoruꞌma pe Aku, alaꞌ hawaꞌi ipekabohiꞌ anaꞌma to hadoduona, ipepaꞌaniki pe Aku.”

Mehoniꞌ hi Burahima “Pueꞌ Ala to hingkiꞌ mampoꞌuwaꞌ anaꞌ gimba tiꞌo,” Honiꞌi, ropololiu patengkaꞌare.

hingkiꞌ Kubarakatiko hingkeꞌna nomoromiꞌ kotuwuꞌmu hei pemuleꞌamu Kupopembiaꞌ hibali koworiꞌna betueꞌ i laniꞌ hante hibali woꞌoni to i bota ntahiꞌ hei pemuleꞌamu tiꞌo hingkiꞌ monanihi poniꞌra. Ka pemuleꞌamu, Aku hingkiꞌ mobarakati lekiꞌ-lekiꞌna roboꞌ i duniaꞌ, alaꞌ ingko mampetuntuiko pohawaꞌKu.”

Hawaꞌi morue katoꞌo, Pueꞌ Ala mohohongkeꞌi pepoꞌohina hi Burahima Notiꞌi, “Burahima”. Mehoniꞌ hi Burahima, “Hapo Pueꞌ.”

Angkana malaꞌekana PUEꞌ mewowoi ka laniꞌ notiꞌi, “Burahima, Burahima!” Mehoniꞌ hi Burahima, “Iheꞌeluꞌa Pueꞌ.”

Korompihana malaꞌekana PUEꞌ meꞌoꞌando ka laniꞌ pe hi Burahima, Notiꞌi, “Aku mosumpaꞌa i lali konaꞌKu hadoduongKu, waheꞌemola pohawaꞌne PUEꞌ, alaꞌ mampetuntuiko pohawaꞌKu hante hawaꞌi ipekabohiꞌ anaꞌma to hadoduona tiꞌo

Kowuteralu i peꞌohaꞌa to nopotintoki Pueꞌ Ala pe hi Burahima, nohuntu-huntumo watuo, honiꞌi noꞌodoꞌ loti i womboꞌna. Uko tiꞌo nohiluꞌmo hi Burahima korawena hante kapuꞌna anaꞌna honiꞌi nohumboꞌaki i womboꞌ loti to roꞌodoꞌ.