Priljubljene svetopisemske vrstice iz Suro 5

Deli

Hi Peturuꞌ hante surona Pueꞌ Yesu to ntaniꞌna mehoniꞌhi, rotiꞌi, “Hangangaa hawaꞌna Pueꞌ Ala to topetuntuino hintina hawaꞌna manusiaꞌ.

Ando-andona i Tambina Pueꞌ Ala ba i tambi ntaniꞌna, mampowutehi nturusi Kareba Moromiꞌ noniuꞌ hi Yesu, Datu Topohompoꞌ.

Angkana hi Peturuꞌ mantiꞌi, “Anania, mahamporeꞌi lalima hinaꞌ nokuasaꞌi Belisiꞌ? Mahamporeꞌi hinaꞌ mampowowutiko pe Inohaꞌ Mangkolehi, hei mowowuniko hadolaꞌ ka hilina woiꞌ tiꞌo? Kehapoꞌi woiꞌ tiꞌo hawaꞌi nipobaluꞌ, na ingkolu woꞌo tumpune, hei ane nipobaluꞌi hawaꞌreꞌi ingkolu woꞌo tumpune hilina? Mahamporeꞌi hinaꞌ moliwoko mowali walia tiꞌo i lali pekirimu? Ingko hawaꞌko mampowowuti pe manusiaꞌ angkana mampowowutiko pe Pueꞌ Ala.” Ikonohorinalu hi Anania lolita tiꞌo, modungka romo hei pudiꞌ inohaꞌne. Lekiꞌra toaꞌ to pangkiꞌ hante to pahori motehuꞌhi alaꞌ hapo to mewali tiꞌo.

Mewaliꞌ, halali-halali, hieꞌelu poturuꞌka. Inioꞌhi nipahampo-hampoꞌi topegurune hi Yesu. Hinamo nipotedehihi. Alaꞌ ane ka toaꞌlu pepoturuꞌre hante tungkaihare, hingkiꞌ ropuꞌhi. Angkana ane ka Pueꞌ Ala, hawaꞌi hohumbo hingkiꞌ inanikei. Alaꞌ ane niꞌewahi, hibalilukei moꞌewa Pueꞌ Ala.” Mewaliꞌ, lolitana hi Gamalie tiꞌo rotorimo tadulako.