Priljubljene svetopisemske vrstice iz Suro 2

Deli

Mehoniꞌ hi Peturuꞌ, “Hangangaa mengkatobaꞌkei ka dosami, hei hangangaa niriukei i lali konaꞌna Yesu Kerisitu. Ane ipetuntuikei lekiꞌne tiꞌo, Pueꞌ Ala hingkiꞌ moꞌampuni dosami, hei hingkiꞌ pahuakei Inohaꞌ Mangkolehi.

Uko tiꞌo, woriꞌ toaꞌ to hongkoꞌ mepoꞌohi pe hi Yesu poko mampehoromuahi nturusi pepoturuꞌna surona Pueꞌ Yesu, hei moꞌawa-awahi nturusi. Poko mangkahi moꞌawa-awa, hei modolaꞌ-dolaꞌhi roti alaꞌ pekolowoira pe Pueꞌ Yesu, hante mekokaehi.

Uko tiꞌo, lekiꞌ-lekiꞌna to itoꞌohi nokuasaꞌihi Inohaꞌ Mangkolehi, hei mampemolukahi mololita i lali wiharo to molangkaꞌ-langkaꞌ to hawaꞌi tene robahaꞌ, motuntuni hapo to nopokonontokihi Inohaꞌ Mangkolehi hingkeꞌna ropowiharo.

Hangkaꞌ-hangkaꞌ romo rohori moni ka laniꞌ, hibali parowo to makaja. Moni tiꞌo rohorimo lekiꞌna toaꞌ to i tambi porampuara. Hei pangkiꞌhi makiꞌna api to hibali lilaꞌ, menele hei mengkotoꞌu i iohi hori-hori. Uko tiꞌo, lekiꞌ-lekiꞌna to itoꞌohi nokuasaꞌihi Inohaꞌ Mangkolehi, hei mampemolukahi mololita i lali wiharo to molangkaꞌ-langkaꞌ to hawaꞌi tene robahaꞌ, motuntuni hapo to nopokonontokihi Inohaꞌ Mangkolehi hingkeꞌna ropowiharo.

Ando-ando morampuhi i Tambina Pueꞌ Ala. Modolaꞌ-dolaꞌhi roti nokomi pekolowoira pe Pueꞌ Yesu, hei mangkahi moꞌawa-awa i tambira i lali komotanaꞌ-tanaꞌ motuntuni kopopuhiꞌna lalira. Mampokodeꞌhi nturusi Pueꞌ Ala, hei nopomotanaꞌhi lekiꞌ-lekiꞌna toaꞌ. Ando-ando kotetambai-mbaihahi, alaꞌ pedeꞌ notambai Pueꞌ Ala toaꞌ to Noposalamaꞌ.

Notiꞌi Pueꞌ Ala: ‘Ikohingkiꞌ tutuna duniaꞌ, hingkiꞌ mepaꞌaniꞌA InohaꞌKu pe lekiꞌ-lekiꞌna toaꞌ. Anaꞌmi tomaꞌani hante anaꞌmi towoweꞌe hingkiꞌ mampowutehi lolitangKu. Anaꞌntomaꞌani hingkiꞌ pangkiꞌ hapo to Kutidoꞌkihi. Tomotodimi hingkiꞌ mepototuruhi noniuꞌ pototuru to Kupaꞌanikihi.

Mohintuwuꞌmohi lekiꞌ-lekiꞌra to mepoꞌohi pe hi Yesu. Parewara ropakeꞌ moꞌawa-awa. Uwaꞌhi i lumbura to mampobaluꞌ lumara, hei hilina rodolaꞌ-dolaꞌ pe hangko awara to hawaꞌi nokoꞌuwaꞌi hingkeꞌna ropopehiliꞌi woꞌo koparaluara hori-hori.

I tempo tiꞌo, hihimolu to medodoeꞌ pe Pueꞌ hingkiꞌ niposalamaꞌ.’ ”

Ando hingkiꞌ mewali mokorindi, hei wula hingkiꞌ mewali momeaꞌ hibali raꞌa, ikohandoaꞌana tene hupaꞌ ando pebutusine Pueꞌ to kodeꞌ hante to mewanta.