Priljubljene svetopisemske vrstice iz Genesisi 15

Deli

Se ene a to kholwa ka MKOMA, e woneka i di m'thu wo lulama.

Msana ka totshe tiya, dipswi da MKOMA di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Se dipswi da MKOMA di tile ka Abramu, di txi ta kha dona: “Hi nga ene Eliyezeri a no dya thomba yako, aniko yi na dyiwa ngu wule a no velekwa ngu ngawe.”

Sekoko MKOMA a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Sekoko Abramu a xamute, a txi khene: “Awe MKOMA Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.”

Ka donedo ditshiku, MKOMA a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”