Priljubljene svetopisemske vrstice iz Máà 2

Deli

Ti ɓɛ́ Jízɛ̀ wɔ̃́ɔ ma kɛɛ, ɔ cɛ̃ɛ ma wa gbo, ke ɔ ɖá, “Nyɔ ɓě kɔ̃̀ dyɔɔ̀ wóɖó múɛɛ se hwǒò-nyɔ̀ mɔ́, kɛɛ nyɔ ɓě ɓɛ́ wa wɛ́ kɛɛ, wa mɔ̀ nyɔ mɔ́ hwǒò-nyɔ̀. Ḿ se dyi, ɓɛ́ ḿ ké dyí-sɛ́ɖɛ́ìn-nyɔ̀ ɓě ɖá, kɛɛ ḿ dyi, ɓɛ́ ḿ ké nàmàǔn-nyɔ̀ ɓě ɖá.”

Ké Jízɛ̀ dyéɛ ma kà ɓɛ́ wa ɓéɖé ma hwìɖǐǐ-taɓa-taɓa kɛ, ké ɔ cɛ̃ɛ ma gàa wáká mɛ́-mɛ́ɔ̀ gbo, ké ɔ ɖá, “Ní dyú, ḿ ɖǎ nì nàmàǔn ɓěɔ̀ kɔ̃in zĩ̀ìn.”

Ké ɔ cɛ̃ɛ ma wa gbo ɖe, ké ɔ ɖá, “Gèɖèpɔ́ɔ̀ nyu ma ɔ fɔ̀-wèɔ̀ ɓó nyɔǔn-dyù bìì, kɛɛ ɔ se ma nyɔǔn-dyù mɛ ɓó fɔ̀-wèɔ̀ bìì.

Ti ɓɛ́ wa se ma ɓó ɔ gbo nyiniɛ ɓɛ́ìn ɓó nyɔ kúɖúú ɓěɔ̀ jèɛɛ, nyɔ hĩinyɛ ɓěɔ̀ nyu ma ɓí ɖò ɖé gbǒɔ̀ kɔ̃in, dɛ̀ ɓɛ́ Jízɛ̀ ɓɛ̀ɖɛ̀ìn ma kà dyíɛ, ké wa tòìn ma ɓó kɔ̃-pɛ̃́-ɖɛ̀ ɓɛ́ gàaɔ̀ pɛ̃́ ma kà kɔ̃ɛ, ké ɔ dè ma ɓíɖíi.

Ní muɛ ɓě dyí tɛ̀mɛ̀ìn kà ɓɛ́ mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ, ḿ ɓéɖé kpé nɔ̄ toɖo-kpàà kɔ̃, ɓɛ́ ḿ ké nàmàǔn kɔ̃in zĩ̀ìn nyɛ.” Ɔ jèɛɛ, Jízɛ̀ cɛ̃ɛ ma gàa wáká mɛ́-mɛ́ɔ̀ gbo, ké ɔ ɖá, “Ḿ cɛ̃ɛ m̀ gbo, sɔ̀ dyí, ɖú nì kɔ̃-pɛ̃́-ɖɛ̀ɔ̀ dyí, ɓɛ́ m̀ ké m̀ ɓíɖí-taún mu.”

Ɖɛ ɓě nìà kɛɛ, ɔ nyɛ́ kàmà mú kɛ́? Ɓɛ́ ḿ kéɛ gàa wáká mɛ́-mɛ́ɔ̀ gbo cɛ̃, ɓɛ́ ḿ ké níiń, ‘Ḿ ɖǎ nì nàmàǔn ɓěɔ̀ kɔ̃in zĩ̀ìn,’ mɔɔ ɓɛ́ ḿ ké níiń, ‘Sɔ̀ dyí, ɓɛ́ m̀ ké nì kɔ̃-pɛ̃́-ɖɛ̀ɔ̀ dyí ɖú, ɓɛ́ m̀ ké nàe?’

Púɛɛ, gàaɔ̀ sɔ̀ ma dyí, ké ɔ ɖú ɔ kɔ̃-pɛ̃́-ɖɛ̀ɔ̀ dyí ɓó wa séín dyéɖé waí ké ɔ mu ma. Ké wa séín giniìn ma dyi, ké wa ɓàìn ma Gèɖèpɔ́ɔ̀, ké wa ɖá, “À séè ɖɛ nì kàà dyé ɖò.”