Priljubljene svetopisemske vrstice iz Máà 13

Deli

Ké nyɔǔn séín mu ɓě mú nyɛ́ìn ɓó ní jè. Kɛɛ nyɔ mɔ̀ nyɔ mu hwòɖǒ kuùn tee, ɓɛ́ ɔ fɛ̀ɛ̀ ké mánáín hwɛ̀ kɛɛ, ɔ mu póùn.

Ɓě mɛ ma mú, ɓɛ́ ɓě ké ɓɛ́ɖɛ́ kɔ̃ nì, sepóɛɖé ɓě se ti wéɔ̀ mu dyiìn nyɛɛ dyí dyuò.

Ti séín ɓɛ́ wa mu ɓě kpɔ̃ùn, ɓɛ́ wa ké ɓě nyɔǔn xwaún po, nìí ɓɛ́ wa ké ɓěɛ̀ zaa cɛ̃ɛ, hwɛ̀ tiɔ̀ ké ɓó nyiniɛɛ, ɓěǐn ɖá ɓɛ́ ɓě ké hwìɖǐi poìn ɓó ɖɛ ɓě ké cɛ̃ɛ jè. Tiɔ̀ dyi ɓó nyini ní, ɖɛ séín ɓě ɓɛ́ Gèɖèpɔ́ɔ̀ mu ɓě wĩín poùn wɛ̃ɛ, ɓě mɛ cɛ̃ɛ. Sepóɛɖé wuɖu ɓě muà cɛ̃ìn nyɛɛ, ɔ se ɓě mìɔùn nììn wuɖu jǔɛ mu. Ɔ mu ɖé Zùù Hwɛ̀ǐn-hwɛ̀ǐnɔ̀ gbo sɔ̀ùn.

Dyɔɔ̀ kè ɓóɖó-kpàà mu dyi ziìn, kɛɛ ní wuɖu ɓěɔ̀ se dyi ziɛ́ mu.

“Ɓá ti ɓɛ́ ɖɛ ɓě nìà kɛ mu kpáùn wɛ̃ɛ jè dyíɛɛ, nyɔ ɖò seɛ dyuò. Ínjà ɓě nì ɖé dyɔún wɛ̃ kè mɔ̄ mɔ̀à Dyú-gààɔ̀ kɛɛ seɛ dyí dyuò. Ɓǎɔ̀ ɖòùn mɔ̀ nyɔ dyuòɛ̀ dyí.

Ɓě dyi to ɓě xwɛ̃́ìn dyiɛ kè ɖíɛ́ ɓě tɔ̀mɔ̀ gboɛɛ bɔ̃̌ wɔ̃́ ní, nìí, ɓě ní ɖá ɓɛ́ ɓě ké fɛ̃̀ìn. Ɖɛ ɓěɛ̀ ɓéɖé wa ké kpá, kɛɛ ɔ séè ɖɛ séín mánáín-hwɛ̀ìn-naín ke.

Ɔ jèɛɛ, ɓě mɛ gmɔ̀ hwìǐ, sepóɛɖé ɓě se ti ɓɛ́ gbo-nì-ɓǎɔ̀ mu dyiìn nyɛɛ dyuò. Ɔ ɓɛ́ìn hwìo-nyɛ̀ bũ̌ mɔɔ hwuɖu hwìɛ̀ǐn mɔɔ zɔ̃ wĩín vɛ̀nɛ̀. Ɓě gmɔ̀ hwìǐ, ɔ kɔ̃̀ ɖà dyi wàɖà ní, nìí, ɔ ní kɔ̃̀ ɖà ɓě nyíɔún dyi dyɛ̀ìn. Ɖɛ ḿ cɛ̃à ɓě gboɛɛ, ḿ cɛ̃ɛ nyɔǔn séín gbo. Ɓě mɛ nì ɓɛ́ɖɛ́ kɔ̃.”

Ɓóɖó-dù ɓě mu gbo vɔ̃ǐn nììn, ké kã́á-ɓòɖò ɓě mu gbo vɔ̃ǐn nììn. Ké ɓóɖó-kpàà dà kò-kò ɓě mu dyi túòùn, ké mɔ́ mu kpáùn. Ɖɛ ɓě nìà kɛ mɔ̀ gǎ-dyé-dyé ɓěɔ̀ gbɔ-dè-dè.

Ɓě ɓéɖé ɓɛ́ ɓě ké bɔ̃̌ nɔ̀mɔ̀ dyíinɔ̀ jè zio mú pòìn ɖé ɓóɖó-dù kã̀ìn séínɛ̀ nyɔ ɓě gbo kĩ́ín hwɛ̀.

Nyɔ pàɖǎ mu dyiìn, ɓɛ́ wa kéɛ cɛ̃ kà wa mɔ̀ mɔ̄ kɛ, ké wa mu nyɔ pàɖǎ cáùn.

“Ɓě mɛ màìn ɓě mìɔùn mú. Wa mu ɓě zɔ̃́ín-wɔ̃-pòìn-naín ɓě kpaùn, ké wa mu ɓě gbàtò ɓàɖàìn ɖé Júù-nyɔ̀ ɓěɔ̀ cɔ́cì-gbò ɓěɔ̀ mú. Ké ɓě mu gɔ̌mànà-nyɔ̀ ɓě kè kã́á ɓě dyúa dyi nyànàùn ɓó ní jè, ɓɛ́ dyììn ɖéɛ múɛɛ, ɓě ké bɔ̃̌ nɔ̀mɔ̀ dyíinɔ̀ wa gbo cɛ̃.

Sepóɛɖé nyɔ ɓě mu dyiìn, ɓɛ́ wa ké wa mìɔùn Kɛ́ɖɛ́ì ɖáìn, ké ɖíɛ́ ɓě mu wa mìɔùn kpáá-ɖɛ̀-cɛ̃-nyɔ̀ ɖáìn. Wa mu ɖàɓàìn-ɖɛ̀ ɓě kè dĩ́ín-dĩ̀ìn-ɖɛ̀ ɓě nyuùn, ɓɛ́ ɔ dyi xwa fɛ̃́ìn ní, ɓɛ́ wa ké nyɔ ɓě ɓɛ́ Gèɖèpɔ́ɔ̀ ɖǎà gã kɛɛ cá.

“Ɓó tia ɓaɖaa, nyɔǔn-gǎ-dyéìn-dyéìnɔ̀ ɖǎ dyi zi ní, dyóɖóɔ̀ mu tíe-kpò mú zɛ̃̀ìn, ké dɛ̀nɛ̀ɔ̀ se fãá mu, ké dɛ̀nɛ̀ mɛ́nɛ́ɛ́ ɓěɔ̀ mu dyií ɓuɖuùn, ɓɛ́ wa ké dyi kpáuń nì. Ké ɖɛ séín nì ɖé dyɔɔ̀ dyíɛɛ mu dyi túòùn.