Priljubljene svetopisemske vrstice iz Máà 10

Deli

Sepóɛɖé mɔ̄ Nyɔǔn-dyùɛ̀ Dyú-gààɔ̀ se dyi, ɓɛ́ nyɔ ɓě ké ḿ bìì kũ̀à nyu, kɛɛ ḿ dyi, ɓɛ́ ḿ ké wa bìì kũ̀à nyu, ɓɛ́ ḿ ké ní fɛ̀ɛ̀ɔ̀ tò, ɓɛ́ ɔ ké nyɔ pàɖǎ mú-gbǎàìn-ɖɛ̀ jǔ.”

Ké Jízɛ̀ gmɔ̀ ma wa dya, ké ɔ ɖá, “Nyɔǔn-dyù se ɖɛ nìà kɛ nyuɛ ɓɛ́ìn, kɛɛ Gèɖèpɔ́ɔ̀ ɓɛ́ìn ɖɛ séín nyuɛ.”

Ké Jízɛ̀ cɛ̃ɛ ma ɔ gbo, ké ɔ ɖá, “Mu m̀ ɖɛ. Nì hwìɖǐǐ-taɓa-taɓaɔ̀ ɖǎ m̀ dyi kánáìn.” Wàɖà kɛɛ, ɔ dyé ma dyi, ké ɔ sí ma Jízɛ̀ kíɖíí ɖé hwìèɔ̀ kɔ̃.

Ɔ jèɛɛ, ɖɛ Gèɖèpɔ́ɔ̀ ɖǎ xwaún poìn nyɛɛ, nyɔ ɖò ní nyuɛ, ké wa ní sɔìn mú.”

Ké Jízɛ̀ gmɔ̀ ma gàa-dyù gmɔ̀ɔ̀ dya, ké ɔ ɖɛ̀ɓɛ̀ ma ɔ mú, ké ɔ cɛ̃ɛ ɔ gbo, ké ɔ ɖá, “M̀ ɓéɖé ɖɛ dyúáɖò m̀ kéɛ nyu ke. Mu, ɓɛ́ m̀ ké ɖɛ séín ɓě ɓɛ́ m̀ ɓéɖéɛɛ peɖe, ɓɛ́ m̀ ké wíɖíɔ̀ gǎ-dyé-nyɔ̀ ɓě nyí. Nìí, nì mu dyi-dè-ɖɛ̀ ɓéɖéìn ɖé dyɔún. Ké m̀ mɛ dyi, ɓɛ́ ḿ kè mɔ̀ ké mú naìn.”

Ké Jízɛ̀ diè ma ɔ dyi, ké ɔ ɖá, “Ɖɛ́ nì mɔ́ ɓɛ́ ḿ ké m̀ bìì nyuɛ́?” Ké gàa kpè dyéɖéín dyiɔ̀ ɖá, “Ɓɔ̌ɔ̀, nyuɛ ɓɛ́ ḿ ké dyi dyé.”

Ɔ se ɓéɖé ɓɛ́ ɔ ké ná nì ɖé ɓě hwìɛ̀. Kɛɛ ɔ jǔ ké ɓě ɖò dyi nyɔ vɛ̀nɛ̀ jǔɛ mɔ́ ní, ɔ mɛ mɔ̀ ɓěɛ̀ gbo-nì-nyɔ̀.

Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ se wɔ̃́ ɓɛ́ Gèɖèpɔ́ɔ̀ ké ɔ wuɖuí kɔ̃̀ kà dyú-gbɔ́ɔ́ wɔ̃́à kɛɛ, nìí, ɔ se ɖé Gèɖèpɔ́ɔ̀ kã́á-ɓòɖòɔ̀ kɔ̃ muɛ́ mu fɔɔ.”

Nyɔ pàɖǎ nìà dyúa ɓó kàǔn wɛ̃ɛ mu ɖe ziìn ɖé ɓóɖó ɖìè nìà dyiɛń nyɛɛ kɔ̃, ké nyɔ pàɖǎ sèà ɖe ɓó kàǔn wɛ̃ɛ mu dyúa ziìn ɖé ɓóɖó ɖìè nìà dyiɛń nyɛɛ kɔ̃.”

Ɖé ɖɛ dè gbɔɔ̀ múɛɛ, Gèɖèpɔ́ɔ̀-cèè-ɖɛ̀ɔ̀ ɖá, ‘Gèɖèpɔ́ɔ̀ mɛ ma gàa kè màa. Ɓó ɖɛa jèɛɛ, gàaɔ̀ mu ɔ ɖe kè ɔ ɓǎ dyi táàùn, ɓɛ́ ɔ kè ɔ gmààɔ̀ ké xwaún kpáìn, ɓɛ́ wa ké nyɔ dyúáɖò jǔ.’ Ɔ ɖǎ ná nìǐn, wa se nyɔ sɔ̃́ ɖe, kɛɛ wa mɔ̀ǎ nyɔ dyúáɖò.