Priljubljene svetopisemske vrstice iz Máfíò 7

Deli

“Ɓě zɔ̀ɔ̀, ké ɓě muɛ dyéìn. Ɓě mɔ́ɔ dyi, ké ɓě muɛ dyéìn. Ɓě ɓaɖa gbǒɔ̀ kɔ̃ún, ké gbǒɔ̀ mu kaàùn ɓó ɓě bìì.

Sepóɛɖé nyɔ séín ɓě ɓɛ́ wa zɔ̀ɔ̀ kɛɛ, wa muɛ dyéìn. Ké nyɔ mɔ́ɔ dyiɛɛ, ɔ muɛ dyéìn. Ké gbǒɔ̀ mu kaàùn ɓó nyɔ ɓaɖaa kɔ̃ún wɛ̃ɛ bìì.

“Nyɔ séín ɓě ɓɛ́ wa wɔ̃́ ní wuɖu ɓě nìà kɛ, ké wa nyu wa kɛɛ mu nììn kà hwòɖǒ-fɔ̀nɔ̀-nyɔ̀ ɓɛ́ ɔ po ma ɔ gbǒ sɔ́ɔ́-pìɔ̌ ɖò kɔ̃ɛɛ nìà kɛ.

“Ɖɛ ɓě mɔ́ ɓɛ́ nyɔ ɖò ké ɓě bũ̌ nyuɛɛ, ɖéɛ̀ ɓě mɛ nyu nyɔ tɔ̀ɔ̀ ɓě mɔ̀ùn bũ̌. Ɖɛ nìà kɛ mɔ̀ Mózèɛ̀ gmaɔ̀ xwíníín, ké ɔ mɔ̀ ɖɛ ɓɛ́ kpáá-ɖɛ̀-cɛ̃-nyɔ̀ ɓěɔ̀ tɛ̀mɛ̀ìn nyɔǔn wɛ̃.

Kɛɛ gmɔ-wɔ̃̀ nìà hwìè muà ɖé dɛ̀ ɓɛ́ nyɔǔn ɓéɖéà fɛ̀ɛ̀ kɛ dyíɛɛ ɓíè gboi, ké hwìèɔ̀ kàmà kpauń, ké nyɔ xwéɖé wè mɔ̀ nyɔ dyéɛ.

“Ɓě dyáìn gmɔ-wɔ̃̀ ɓíè gboiɔ̀ mú, sepóɛɖé gmɔ-wɔ̃̀ ɓɛ́ ɔ nìà hwìè ɓɛ́ ɔ muà ɖé mú-gbɔɔ̀-naínɔ̀ dyíɛɛ ɓúá gboi, ké hwìèɔ̀ se kpauń kàmà, ké nyɔ pàɖǎ nìɛ̀ kpauń.

Ɓěɛ̀ kpeɖe nyìnììn dyíin dyɛo, kɛɛ ɓě dyuò ɓěɛ̀ dyú ɓěɔ̀ ɖɛ nɔ̀mɔ̀ dyíin nyíɛ. Kà ɔ nìà náa, nìí, ɓě Ɓǎ nìà ɖé dyɔún wɛ̃ɛ mu nyɔ ɓě ɓɛ́ wa zɔ̀ ɔ ɖɛ kɛɛ ɖɛ nɔ̀mɔ̀ dyíin ɓě nyíìn jǎà.

“Ɓěǐn ɖá ɓɛ́ ɓě ké nyɔ tɔ̀ɔ̀ ɓě zaa wɔ̃ po, ɓɛ́ Gèɖèpɔ́ɔ̀ ní kɔ̃̀ ɖà ɓě nììn zaa wɔ̃ po. Sepóɛɖé Gèɖèpɔ́ɔ̀ mu ɓěɛ̀ zaa wɔ̃ poùn kà ɓě poà nyɔ tɔ̀ɔ̀ ɓě nììn zaa wɔ̃ɛ. Kà ɓě mu nyɔ tɔ̀ɔ̀ ɓě nììn ɖɛ ɖàɓàìn nyuùn wɛ̃ɛ, kǎà Gèɖèpɔ́ɔ̀ mu ɓě nììn ɖɛ ɖàɓàìn nyuùn.

Kɛɛ nyɔ séín ɓě ɓɛ́ wa wɔ̃́ ní wuɖu ɓě nìà kɛ, ké wa se wa nyuɛɛ mu nììn kà zuɖuu-nyɔ̀ ɓɛ́ ɔ po ma ɔ gbǒ ɓó pĩ́ɔ kɔ̃, ké gbǒɔ̀ se dyi kuɛɛ nìà kɛ.

Ɖɛ́ kɔ̃̀ jè m̀ se cu-kpóɖó nìà nì dyéɖéɔ̀ múɛɛ dyé, ké m̀ dyià sĩ̀ɔ̌ wè nìà m̀ ɖíí ɖò dyéɖéín nyɛɛ dyé kɛ́? Xwɛ̌ m̀ ɓɛ́ìn nì ɖííɔ̀ gbo cɛ̃ɛ, ɓɛ́ m̀ ké níiń, ‘Tòɛ̀, ɓɛ́ ḿ ké sĩ̀ɔ̌ wèa m̀ dyéɖéín zà,’ ké m̀ mìɔùn ɓéɖé cu-kpóɖó ɖò ɖé nì dyéɖéɔ̀ mú kɛ́?

“Ɓě mɛ ma mú ɓó nyɔ ɓě ɓɛ́ wa ɖáìn wa mìɔùn kpáá-ɖɛ̀-cɛ̃-nyɔ̀ ɓě, ké wa seà mɔ̀ kɛɛ jè. Wa hwɔìn ɓáɖáá ɓě, kɛɛ ɖé wa hwòɖǒ-dyùàɔ̀ múɛɛ, wa nì kà ji ɓɛ́ ɔ nì kpɔ̃ɔ-ɖɛ̀ dyi mɔ́uń wɛ̃ɛ nìà kɛ. Waà nyuu-ɖɛ̀ ɓěɔ̀ muɛ nyuùn ɓɛ́ ɓě ké wa dyí dyuò. Nyɔ ní kpã́ géɖéè-ɓò wí-cù dya, ké nyɔ ní kpã́ féè-ɓò cu-gbɔ̌ ɓéɖé wí kɛɛ dya.

Cu-gɔ̃̀ nɔ̀mɔ̀ dyíin tòɖò ɓo nɔ̀mɔ̀ kɔ̃in, kɛɛ cu-gɔ̃̀ nyìnììn dyíin tòɖò ɓo nyìnììn kɔ̃in.

Cu-gɔ̃̀ nɔ̀mɔ̀ dyíin ní tòɖò ɓo nyìnììn kɔ̃in, ké cu-gɔ̃̀ nyìnììn dyíin ní tòɖò ɓo nɔ̀mɔ̀ kɔ̃in.

Wa ɖaɓa cu séín ɓɛ́ wa se ɓo nɔ̀mɔ̀ kɔ̃in tòɖòɛɛ, ké wa po wa dyéɖé.