Priljubljene svetopisemske vrstice iz Máfíò 4

Deli

Kɛɛ Jízɛ̀ jǔ ma ɔ gɔ̃̌, ké ɔ ɖá, “Gèɖèpɔ́ɔ̀-cèè-ɖɛ̀ɔ̀ ɖá, ‘Nyɔ se cĩ́ dyììn ɖé ɖii-ɖɛ̀ ɖòùn mú, kɛɛ nyɔ cĩ́ dyììn ɖé wuɖu séín sɔ̀ìn ɖé Gèɖèpɔ́ɔ̀ wĩín nyɛɛ mú.’ ”

Ké Jízɛ̀ cɛ̃ɛ ma ɔ gbo, ké ɔ ɖá, “Sɔ̀ ḿ bũ̌, Nɔɔ́-nàmàǔn. Gèɖèpɔ́ɔ̀-cèè-ɖɛ̀ɔ̀ ɖá, ‘Ɓě mɛ ɓiè Bounɓo mɔ̀à ɓěɛ̀ Gèɖèpɔ́ɔ̀ kɛ, ké ɔ ɖòùn kɔ̃̀ kũ̀à ɖé ɓě mɛ nyu.’ ”

Hwɛ̀ ké Jízɛ̀ ɖá, “Gèɖèpɔ́ɔ̀-cèè-ɖɛ̀ɔ̀ cɛ̃ɛ ɖe, ké ɔ ɖá, ‘Ɓě ní dɔ̃̌ Bounɓo mɔ̀à ɓěɛ̀ Gèɖèpɔ́ɔ̀ kɛɛ mú.’ ”

Púɛɛ, Zùùɔ̀ kpa ma Jízɛ̀ ɖé gbǎùn-fúɖúáɔ̀ kɔ̃, ɓɛ́ Nɔɔ́-nàmàǔn ké ma ɔ mú dɔ̃̌. Jízɛ̀ hwèɖè ma wɔ̃ kɔ̃ ɓó dyóɖóaún-wè kpáɖá-nyɔ sɔ̃́ kè máaún-hwùɖù kpáɖá-nyɔ sɔ̃́ xwíníín. Ɔ ɖǎ ma ná nìɛɛ, púɛɛ, mɔ́ nyu ma ɔ ní.

Ké ɔ cɛ̃ɛ ma wa gbo, ké ɔ ɖá, “Ɓě sí ḿ kíɖíí. Ní muɛ nyuùn ɓɛ́ ɓě ké nyɔǔn kpɔ̃ kà ɓě kpɔ̃à zimii nyɛ.” Ké wa táà ma waà kpéɖé ɓěɔ̀ dyi wàɖà, ké wa sí ma ɔ kíɖíí.

Sɔ̀ìn ɓó tia gboɛɛ, Jízɛ̀ ɖú ma zio po kpàǐ, ké ɔ ɖá, “Ɓě táà ɓěɛ̀ nàmàǔn-kpèɖèɔ̀ dyi, sepóɛɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ ɖǎ dyi xwɛ̃́ìn.”