Priljubljene svetopisemske vrstice iz Máfíò 22

Deli

Ké Jízɛ̀ jǔ ma ɔ gɔ̃̌, ké ɔ ɖá, “Ɓě mɛ ɖɛ̀ɓɛ̀ Bounɓo mɔ̀à ɓěɛ̀ Gèɖèpɔ́ɔ̀ kɛɛ mú hwòɖǒɛ̀-ɖé-hwɛ̀-kà ɖé ɓěɛ̀ kpé séín mú. Gma nìà kɛ mɔ̀ gmaɔ̀ vɛ̀nɛ̀, ké ɔ mɔ̀ gma kpa ɖɛɔ̀. Ké nyɔ kpa ɖɛ kɔ ɓó nyɔ nìà kɛ gbo dyíɛɛ mɔ̀, m̀ mɛ ɖɛ̀ɓɛ̀ m̀ mǔè ɖò mú kà m̀ ɖɛ̀ɓɛ̀à m̀ mìɔùn múɛ.

Mózèɛ̀ gma séín ɓěɔ̀ kè kpáá-ɖɛ̀-cɛ̃-nyɔ̀ ɓěɔ̀ tɛ̀mɛ̀ìn-ɖɛ̀ séín ɓěɔ̀ sṹ gma sɔ̃́ ɓě nìà kɛ mú.”

Ɖé nɔ́ɔ̀ dúí-jaɖa-jaɖa múɛɛ, Jízɛ̀ ɖá, “Gèɖèpɔ́ɔ̀ ɖá nyɔ pàɖǎ, kɛɛ ɔ gã nyɔ xwéɖé wè nyɛ̀nɛ̀ɛ̀.”

Sepóɛɖé ti ɓɛ́ nyɔ ɓě ɖǎà mɛ́ɛ muà gĩɔ wóɖóùn wɛ̃ɛ, màa kè gàa se dyi kpɔ̃ǐn mu ɖe. Wa muá nììn kà ínjà ɓě nìà ɖé dyɔún wɛ̃ɛ nìà kɛ.

Ɓě tɛ̀mɛ̀ìn ḿ wíɖí-pĩ̀à ɓɛ́ ɓě pɛ́ɛ̀ìn kà tácìɔ̀ kɛɛ dyí.” Ké wa kpa ma ɔ wíɖí-pĩ̀à ɖò gbo. Ké Jízɛ̀ diè ma wa dyi, ké ɔ ɖá, “Nyɛ́ kɔ̃̀ dú-ɓò nìà wíɖí-pĩ̀àɛ̀ kɔ̃ kɛ́? Ké nyɛ́ ɖɛ ɓě céèà ɓó ɔ kɔ̃ɛɛ ɓá dyíɛ́?” Ké wa ɖá, “Ɔ mɔ̀ Síízɛ̀e.” Hwɛ̀ ké Jízɛ̀ cɛ̃ɛ ma wa gbo, ké ɔ ɖá, “Ɓě nyí ɖɛ Síízɛ̀ kɔ̃̀ kɛɛ Síízɛ̀, ké ɓě nyí ɖɛ Gèɖèpɔ́ɔ̀ kɔ̃̀ kɛɛ Gèɖèpɔ́ɔ̀.”