Priljubljene svetopisemske vrstice iz Máfíò 2

Deli

Ké wa dyá ma gbǒ kɔ̃̀ mú ɓɛ́ dyúɔ̀ kè ɔ ɖe Meɖé nì ma kà kɛ, ké wa dyé ma wa, ké wa taɓa ma kɔ́-dù hwuɖu, ké wa ɓiè ma ɔ. Ké wa kaà ma waà kɔ̃̀ɔ̀-ɖɛ̀ ɓěɔ̀ dyí, ké wa nyí ma ɔ nyíí-ɖɛ̀. Nyíí-ɖɛ̀ ɓěɔ̀ mɔ̀ ma góò kè nyɔ́ún-nɔ̀mɔ̀-ɖɛ̀ ɓě mɔ̀ ma fánákésĩ̀ìn kè mɛ́ɛ̀ kɛ.

Jízɛ̀ wóɖóìn ma ɖé Bɛ́fèɖèhɛ̃́ɛ̀-hwɔ̀ɖɔ̀ nìà ɖé Júɖìà-ɓòɖòɔ̀ kɔ̃ɛɛ mú. Ɔ mɔ̀ ti ɓɛ́ Hɛ́wɔ̀ɖɔ̀ mɔ̀ ma ɓóɖóɔ̀ kã́á kɛ. Púɛɛ, gàa ɖíɛ́ ɓě ɓɛ́ wa cɛ̃́ ma dɛ̀nɛ̀ mɛ́nɛ́ɛ́ ɓěɔ̀ jè mìɔ kɛɛ sɔ̀ìn ma ɖé dyóɖó-xwáɖáún-wóɖóìn-naínɔ̀, ké wa dyi ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. Ké wa diè ma ɖɛi, ké wa ɖá, “Dɛ̌ dyú ɓɛ́ ɔ wóɖóà, ɓɛ́ ɔ kéà Júù-nyɔ̀ ɓěɔ̀ kã́á jǔɛɛ nìɛ́? À dyé ɔ dɛ̀nɛ̀-dyùɔ̀ ti ɓɛ́ dɛ̀nɛ̀-dyùɔ̀ wóɖó ma xwáɖáún ɖé dyóɖó-xwáɖáún-wóɖóìn-naínɔ̀ kɛ, ké à ɖǎ dyi, ɓɛ́ à ké ɔ ɓiè.”

Ké wa zi ma múàǔn kpáuń mìɔ ti ɓɛ́ wa dyé ma dɛ̀nɛ̀-dyùɔ̀ kɛ.

Sɔ̀ìn ɓóɛ gboɛɛ, Gèɖèpɔ́ɔ̀ po ma wa náún ɖé dya-dya mú, ɓɛ́ wa ní kɔ̃̀ ɖà ma ɖé Hɛ́wɔ̀ɖɔ̀ gbo ɖe mu. Ké wa kpa ma hwìè kà kò ɖò, ké wa mu ma wa ɓíɖí ɖe. Ti ɓɛ́ gàa ɓě sɔ̀ìn kà ɖé dyóɖó-xwáɖáún-wóɖóìn-naínɔ̀ kɛɛ ɖǎ ma muɛɛ, púɛɛ, Bounɓoɔ̀ ínjà ɖò wóɖóìn ma Jòsé dyí ɖé dya-dya mú, ké ɔ ɖá, “Sɔ̀ dyí, ɖú dyúɔ̀ kè ɔ ɖe dyí, ɓɛ́ m̀ ké wa xwáɖáún kpáìn, ɓɛ́ ɓě ké ɖé Íjè-ɓòɖòɔ̀ kɔ̃ mu. M̀ mɛ nì ɖé tee ɓɛ́ ḿ ké ti ɓɛ́ m̀ ké ɖé sɔ̀ìn nyɛɛ m̀ gbo cɛ̃ hwɛ̀. Sepóɛɖé Hɛ́wɔ̀ɖɔ̀ muá dyúɔ̀ dyi mɔ́ùn, ɓɛ́ ɔ ké ɔ ɖáɓá.”