Priljubljene svetopisemske vrstice iz Máfíò 15

Deli

Kɛɛ ɖɛ ɓɛ́ nyɔ ɖò cɛ̃ kɛɛ, ɔ sɔ̀ ɖé ɔ hwòɖǒ bũ̌, ké ɔ nyuɛ ké nyɔɔ̀ se mú hwɛ̀. Sepóɛɖé ɖɛ gbà ɓě nì ɖé nyɔǔn-dyùɛ̀ hwòɖǒ bũ̌ɛɛ, ɖéɛ̀ ɔ nyu. Ɔ hwɔìn kà kú-ɖáɓá-ɖáɓá kè gmaɖe-po-po kè gbàɖàùn-po-po kè dyíɖí-dyíɖí kè seɛ̀-zàse nyu-nyu ɔ kè nyɔ mǔè ɖò ɖɛ gbà kɔ̃ún-cɛ̃-cɛ̃.

Ɖɛ nyuɛ ké nyɔ se mú hwɛ̀ kɛɛ se ɖɛ ɓɛ́ nyɔɔ̀ ɖiɛ. Kɛɛ ɖɛ ɔ cɛ̃ɛ, ɔ nyuɛ ké ɔ se mú hwɛ̀.”

‘Nyɔ ɓěɛ̀ dè ḿ dya ɖé waà wĩín-wùɖù mú, kɛɛ waà hwòɖǒ-dyùà tɔmɔìn ḿ bũ̌in mìɔ. Ní ɓiè-ɓiè ɓɛ́ wa nyuɛɛ se xwíníín ɖò kɔ̃̀. Wa tɛ̀mɛ̀ìn nyɔǔn ɓɛ́ wa ké nyɔǔn-dyùɛ̀ tɛ̀mɛ̀ìn-ɖɛ̀ kíɖíí sí kà ɔ mɔ̀ɔ̌ kà Gèɖèpɔ́ɔ̀ gma ɓěɔ̀ kɛ.’ ”

Hwɛ̀ ké Jízɛ̀ cɛ̃ɛ ma ɔ gbo, ké ɔ ɖá, “Màa wè, nì hwìɖǐǐ-taɓa-taɓaɔ̀ ɓúá kpéín. Ɖɛ m̀ mɔ́à kɛɛ mu ná m̀ bìì kpáùn.” Ké màaɔ̀ dyú-mààɔ̀ káná ma dyi ɓó ti déínɔ̀ xwíníín.

Hwɛ̀ ké màaɔ̀ dyi ma, ké ɔ taɓa ma kɔ́-dù hwuɖu ɓó ɔ dyúa, ké ɔ ɖá, “Ɓɔ̌ɔ̀, kpá wɛ́ɛ ḿ gboe.” Ké Jízɛ̀ jǔ ma ɔ gɔ̃̌, ké ɔ ɖá, “Ɔ se dyíin nɔ̀mɔ̀ ɓɛ́ nyɔ ké dyú ɓěɔ̀ ɖii-ɖɛ̀ɔ̀ dyí ɖú, ɓɛ́ nyɔ kéɛ gbe nyí.” Kɛɛ màaɔ̀ ɖá, “Ɓɔ̌ɔ̀, ɔ mɔ̀ jǎà jɛ́ɛ́, kɛɛ gbe ɓěɔ̀ ɖi ɖii-ɖɛ̀-bùǒ ɓě ɓɛ́ wa sɔ̀ waà kɔ̃̀-nyɔ̀ɛ̀ téɓèɖèɔ̀ kɔ̃, ké wa wáɖá ɓíɖíiɛɛ ní.”