Priljubljene svetopisemske vrstice iz Ɛ́séɖɔ̀ 9

Deli

Kɛɛ ɖɛ kɔ̃̀ jè ɔ táà m̀ dyi, ɓɛ́ m̀ dyià cĩ́ɛń nì keɛɛ mɔ̀ ɓɛ́ ɔ ké ɔ kpéɔ̀ m̀ dyí tɛ̀mɛ̀ìn, ɓɛ́ ɔ nyɛ́nɛ́ɔ̀ ké mu ɖé ɓóɖó-kpàà dà séín.

Sɔ̀ìn ɓóɛ gboɛɛ, Bounɓoɔ̀ cɛ̃ɛ ma Mózè gbo, ké ɔ ɖá, “Mu ɖé Féwòɖò gbo, ɓɛ́ m̀ kéɛ ɔ gbo cɛ̃, ɓɛ́ m̀ ké níiń, ‘Bounɓo mɔ̀à Híìbúɖúù-nyɔ̀ ɓěɔ̀ Gèɖèpɔ́ɔ̀ kɛɛ ɖá m̀ mɛ táà ɔ nyɔ ɓěɔ̀ dyi, ɓɛ́ wa ké mu, ɓɛ́ wa ké ɔ ɓiè.

Sepóɛɖé dyɛ̀ìn ɓó tiɛ̀ múɛɛ, ɔ ɓɛ́ìnɔ̌ má ɔ sɔ̃ɔ̀ kũ̀à mú nyùɛ̀n, ɓɛ́ ɔ kéɔ́ má m̀ kè nì nyɔ ɓěɔ̀ nyɔ-gǎ-dyéìn-ɖɛ̀ ɓɛ́ ɔ ɓɛ́ìnɔ̌ má ɓě jè ɓóɖó-kpàà kɔ̃ dyi sámáa kɛɛ kɔ̃ dyà.

nìí, ɔ mu nyɔ-gǎ-dyéìn-ɖɛ̀ nyìnììn dyíin ɖò nì nyúà-ɖɛ̀ ɓěɔ̀ kɔ̃ tòùn. Ɔ muɛ nì sǒ ɓěɔ̀ kè nì jǎkasì ɓěɔ̀ kè nì sǒ-nì-gbu-kɔ̃ún ɓěɔ̀ kè nì ɓìɖǐ ɓěɔ̀ kè nì ɓáɖáá ɓěɔ̀ ɔ kè nì wiɖi ɓěɔ̀ kɔ̃ tòùn. Kɛɛ ɓó tia ɓaɖaa, Bounɓoɔ̀ muɛ nyuùn ɓɛ́ gbo-zaìn-zaìn ké ɓó Éézùɖùɛ̀-dyù ɓěɔ̀ kè Íjè-nyɔ̀ ɓěɔ̀ nyúà-ɖɛ̀ ɓěɔ̀ pṹa nì. Éézùɖùɛ̀-dyù ɓěɔ̀ ɖòɛ̀ nyúà-ɖɛ̀ ɖò se mɛ́ɛ mu.

Ɔ jèɛɛ, ɓó gàɖàà ti nìɔ̀ kà ní, ɔ mu dìì vɛ̀nɛ̀ ɖò tòùn, ɓɛ́ sɔ̃̀ɔ̀-kpò vɛ̀nɛ̀-vɛ̀nɛ̀ ɓɛ́ ɔ séè ná Íjè-ɓòɖòɛ̀ kɔ̃ wáɖá ɖòɛɛ ké Íjè-ɓòɖòɛ̀ kɔ̃ wáɖá. Ɓó kàǔn wɛ̃ɛ, m̀ mɛ ɓeìn wuɖui, ɓɛ́ nì nyɔ séín ɓěɔ̀ ké waà nyúà-ɖɛ̀ séín kè waà kɔ̃̀ɔ̀-ɖɛ̀ tɔ̀ɔ̀ ɓě ɖé píé zà, ɓɛ́ wa ké wa ɖé pá ɓě kɔ̃̀ mú wa ɓɛ́ìn póɛ kɛɛ dyáìn. Sepóɛɖé sɔ̃̀ɔ̀-kpòɔ̀ mu nyɔǔn-dyù kè nyúà-ɖɛ̀ ɓě ɓɛ́ wa mu ɖé píé nììn, ɓɛ́ wa se gbǒǔn dyáa kɔ̃ kpáùn, ké wa mu mɛ́ìn.’ ”

Ké tĩ́ɔɔ̀ mu púu-púu jǔùn, ɓɛ́ ɔ ké Íjè-ɓòɖò gànáɔ̀ kɔ̃in ɓáìn. Ké ɔ muɛ nyuùn ɓɛ́ kpo ké Íjè-nyɔ̀ séín kè waà nyúà-ɖɛ̀ ɓě mú wáɖá. Kpoɔ̀ mu gèìn, ɓɛ́ ɔ ké jě jǔ.” Ɔ jèɛɛ, wa zà ma tĩ́ɔ ɖé gèɖèě-wɔ̃̀ ɖò mú, ké wa nyànà ma ɓó Féwòɖò dyéɖé waí dyi, ké Mózè vũɛ ma, ké kpo wáɖá ma Íjè-nyɔ̀ séín kè waà nyúà-ɖɛ̀ ɓěɔ̀ mú.