Priljubljene svetopisemske vrstice iz Matta 15

Deli

Walakin min d iteffɣen zeg uqemmum itas-d zeg wuȓ, u ḏ manaya itḥarramen bnaḏem. Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Ma ḏinni ca n ṯmesȓayṯ itaḏfen aqemmum tḥarram bnaḏem?" Inna-asen: "Lla, min d iteffɣen zeg uqemmum aqa manayenni ig itḥarramen bnaḏem."

<Ccaƹb-a itweqqar-ayi s uqemmum waha, maca uȓ nnes iggwej xafi. Iwḏan-a ƹebbḏen-ayi ḏi ȓxawi, ȓaḥeqqac seȓmaḏen ṯimesȓayin iǧan ḏ ȓuṣiyaṯ n bnaḏem waha.>"

Ikkar Ƹisa inna-as: "Cem a ṯamɣarṯ, lʼiman nnem ijheḏ s waṭṭas!" Inna-as: "Min ṯrezzuḏ aḏ tafeḏ." Ḏi ṯsaƹƹat nni ṯgenfa yeǧis.

Walakin ṯamɣarṯ nni ṯusa-d ɣares ṯsejjeḏ-as ṯenna-as: "A Siḏi, ƹawen-ayi!" Indeq-d Ƹisa inna-as: "Maci maƹqul aḏ itwakkes uɣrum n iḥenjiren aḏ imenḍar i iqzinen." Ṯenna-as ṯemɣarṯ nni: "Ɣarek ȓḥaqq a Siḏi, walakin uȓa ḏ iqzinen nni tetten ifetwitten n uɣrum ig itweṭṭan zi ṭabȓa n ayṯbab nsen."