Priljubljene svetopisemske vrstice iz Akisy. 26

Deli

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon aŋuna abunio Aburaam kiwuap ŋakiro kaŋ ka kiyook ŋuna abu ecikak iŋes ikwapei; ŋakiciketa kaŋ, ŋakiro ŋuna abu otub ka ŋikisila kaŋ.”

Torotok Isaka a nen, toboku akare ace, nyisiburata ikes Isaka a ŋin daŋ aŋun, abu Isaka tolimok ekiro a ŋin Reobos. Tema, “Ikiinak tokona Ekapolon iwon neni kiboiyet, ido ikipituni anakibois a na.”

Totakanu Ekapolon neni a Isaka tema, “Nyilot nyitiyaar Ijipit a ne; kiboikin nakwap ŋina eketoodikini ayoŋ iyoŋ.

Aŋun, abu Isaka todukok Namuroet nen, kilip neni ke Ekapolon a nen, tosodi kigurok eema keŋ nen. Tosodo ŋiketiyak a Isaka tobokakis akare nakibois ŋin.