Priljubljene svetopisemske vrstice iz Akisy. 13

Deli

Akainakini ayoŋ iyoŋ ka ŋiletok kon akwap na daadaŋ ŋina ite iyoŋ toruwor ŋina kus jik.

Kedau Lot atyakar aneni ka Aburam, tolimok Ekapolon Aburam tema, “Toŋoleŋolek mono iyoŋ kiŋoliya a ne aneni iyai iyoŋ lowae ŋolo alo Kuju ka ŋolo alo Kwap, lowae ŋolo alo Kide ka ŋolo alo To.

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

Tolimok Aburam Lot tema, “Nyemaikina ebura edio min kidiŋ kaŋ ka iyoŋ, kori kidiŋ ŋikeyokok kaŋ ka ŋikeyokok kon, anerae ikirae iwon ŋikilyok ka ikirae ŋikaitotoi.

Towotok Aburam a nen tocuna eema keŋ, bu tolom kidiŋ ŋikuyono ŋulu a Mamure anakwap a ŋina enyaritae Eburon. Todukok Aburam Namuroet nen aŋuna ke Ekapolon.

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.