Priljubljene svetopisemske vrstice iz उत्पत्ति 25

Deli

फेर यहोवा नै उसतै कह्या, “तेरे गर्भ म्ह दो देशां की जात सैं, अर तेरी कोख तै लिकड़दे ए दो राज्य के माणस न्यारे-न्यारे होवैगें अर एक राज्य के माणस दुसरे तै घणे सामर्थी होवैगें अर बड़ा बेट्टा छोट्टे के अधीन होवैगा।”

फेर एसाव नै याकूब तै कह्या, “वो जो लाल चीज सै, उस्से लाल चीज म्ह तै मन्‍नै किमे खुवा, क्यूँके मै थक रह्या सूं।” इस्से कारण उसका नाम एदोम भी पड़या।

इसहाक की घरआळी तो बाँझ थी, इस करकै उसनै उसकै कारण यहोवा तै बिनती करी; अर यहोवा नै उसकी बिनती सुणी, इस तरियां उसकी घरआळी रिबका गर्भवती होई।

एसाव नै कह्या, “देख, मै तो इब्बे भूख के मारे मरण पै सूं ज्यांतै जेठ्ठा होण का हक तै मन्‍नै के फायदा होवैगा?” याकूब नै कह्या, “मेरे तै इब्बे कसम खा,” आखर म्ह उसनै उसतै कसम खाई, अर अपणा जेठ्ठा होण का हक याकूब कै हाथ बेच दिया।

पाच्छै उसका भाई अपणे हाथ तै एसाव की एड़ी पकड़े होए पैदा होया; अर उसका नाम याकूब धरया गया। जिब रिबका नै उनतै जन्म दिया तब इसहाक साठ साल का था।

इसहाक एसाव का शिकार करया होया माँस खाणा पसन्द करया करै था, ज्यांतै वो उसतै प्यार करै था; पर रिबका याकूब तै प्यार करै थी।