Priljubljene svetopisemske vrstice iz निर्गमन 9

Deli

पर सच म्ह मन्‍नै इस्से करकै तेरे ताहीं जिन्दा राख्या सै के तन्‍नै अपणी सामर्थ दिखाऊँ, अर अपणा नाम सारी धरती पै प्रसिद्ध करुँ।

फेर यहोवा नै मूसा तै कह्या, “फिरौन कै धोरै जाकै कह, ‘इब्रियाँ का परमेसवर यहोवा तेरै तै इस तरियां कहवै सै, के मेरी प्रजा के माणसां नै जाण दे, ताके वो मेरी उपासना करै।

इब तक मन्‍नै तो अपणा हाथ बढ़ाकै तन्‍नै अर तेरी प्रजा ताहीं महामारी तै मार दिया होन्दा, अर तू धरती पै तै सत्यानाश होग्या होन्दा

तो सुण, तेरे जो घोड़े, गधे, ऊँट, गां-बळध, भेड़-बकरी अर सारे पशुआं के झुण्ड जो मदानां म्ह सैं, उनकै बिरुध्द यहोवा का हाथ इसा पड़ैगा के घणी भारी महामारी होवैगी। पर यहोवा इस्राएलियाँ कै डांगरां म्ह अर मिस्रियाँ कै डांगरां म्ह इसा अन्तर करैगा के जो इस्राएलियाँ के सैं उन म्ह तै कोए भी न्ही मरैगा।’”

सुण, काल मै इस्से बखत इसे भारी-भारी ओळे बरसाऊँगा, के जिनकै बराबर मिस्र देश की नीम पड़ण के दिन तै लेकै इब ताहीं कदे न्ही पड़े। इस करकै इब माणसां नै भेजकै अपणे डांगरां नै अर मदानां म्ह जो कुछ तेरा सै सारया नै फुर्ती तै आड़ म्ह छिप्पा ले; न्ही तो जितने माणस या पशु मदानां म्ह रहवै अर घर म्ह कठ्ठे न्ही करे जावै उनपै ओळे गिरैंगे, अर वे मर ज्यागें।’”

फेर वा धूळ होकै सारे मिस्र देश म्ह माणसां अर डांगरां पै फोल्‍ले अर फोड़े बण ज्यागी।” इस करकै वे भट्ठी की राख लेकै फिरौन कै स्याम्ही खड़े होए, अर मूसा नै उस ताहीं अकास की ओड़ उड़ा दिया, अर वा माणसां अर डांगरां पै फोल्‍ले अर फोड़े बणगी।