Priljubljene svetopisemske vrstice iz निर्गमन 23

Deli

थम अपणे परमेसवर यहोवा की उपासना करियो, फेर वो तेरे अन्‍न-पाणी पै आशीष देवैगा, अर तेरे बीच म्ह तै बीमारी दूर करैगा। तेरे देश म्ह ना तो किसे का गर्भ गिरैगा, अर ना कोए बाँझ होवैगी; अर तेरी उम्र मै पूरी करुँगा।

“सुण, मै एक दूत तेरे आग्गै-आग्गै भेज्जू सूं जो राह म्ह तेरी रुखाळी करैगा, अर जिस जगहां ताहीं मन्‍नै त्यार करया सै उस म्ह तन्‍नै पोहचावैगा।

अर जै तू सच म्ह उसकी मान्‍नै अर जो कुछ मै कहूँ वो करै, तो मै तेरे बैरियाँ का बैरी अर तेरे दुश्मनां का दुश्मन बणूँगा।

बुराई करण कै खात्तर ना तो घणखरयां कै पाच्छै होइयो; अर ना उनकै पाच्छै लागकै मुकदमे म्ह न्याय बिगाड़ण ताहीं गवाही दियो; अर कंगाल कै मुकदमे म्ह भी उसका पक्ष ना लिओ।”

“झूठ्ठी बात ना फैलाईयो। अन्यायी गवाह बणकै दुष्ट माणस नै बचाण खात्तर उसकी मदद ना करियो।