Priljubljene svetopisemske vrstice iz निर्गमन 2

Deli

अर परमेसवर नै उनका कराहणा सुणकै अपणे करार ताहीं, जो उसनै अब्राहम, अर इसहाक, अर याकूब की गैल करया था, याद करया। अर परमेसवर नै इस्राएलियाँ पै निगांह करकै उनपै चित्त लगाया।

घणे साल्‍लां कै बाद मिस्र देश का राजा मर ग्या। अर इस्राएली ओक्खी सेवा कै कारण लाम्बी-लाम्बी साँस लेकै आह भरण लाग्गे, अर रुक्‍के मार-मारकै पुकारण लाग्गे, अर उनकी दुहाई जो ओक्खी सेवा कै कारण होई वा परमेसवर तक पोहची।

अर जिब बाळक बड़ा होया तो वा उस ताहीं फिरौन की बेट्टी कै धोरै लेगी, अर वो उसका बेट्टा ठहरया; अर उसनै न्यू कहकै उसका नाम मूसा धरया के, “मन्‍नै इस ताहीं पाणी म्ह तै काढ्या था।”

फिरौन की बेट्टी नै उसतै कह्या, “तू इस बाळक नै ले जाकै मेरै खात्तर दूध पियाया कर, तो मै तन्‍नै मजदूरी देऊँगी।” फेर वा जनान्‍नी बाळक नै ले जाकै दूध प्याण लाग्गी।

फेर उसनै देख्या के फिरौन की बेट्टी नहाण कै खात्तर नील नदी कै किनारे आई; उसकी सारी दास्सी नदी कै किनारे-किनारे टहलण लाग्गी; फेर उसनै सरकंड्या कै बिचाळै टोकरी ताहीं देखकै अपणी एक दास्सी नै उस ताहीं ल्याण खात्तर भेज्या।

उन दिनां म्ह इसा होया के जिब मूसा जवान होया, अर एक दिन बाहर अपणे भाई-बन्धुआं कै धोरै जाकै उनके दुःखां पै निगांह करण लाग्या; फेर उसनै देख्या के कोए मिस्री माणस मेरे एक इब्री भाई नै मारण लाग रह्या सै। जिब उसनै आस्सै-पास्सै देख्या के कोए न्ही सै, तो उसनै मिस्री ताहीं मार दिया अर रेत म्ह दाब दिया।