Priljubljene svetopisemske vrstice iz SENESI 28

Deli

Koeni, e au nofo mo koe, e au taupau anai ia koe i te u kogamea fuli ae e ke alu anai ki ai, pea e au toe aumai anai ia koe ki te fenua aeni; koteuhi e mole au siaki noa anai ia koe, kae e au fakahoko anai te u mea fuli ae nee au fakapapau atu kia koe.

Pea koeni nee nofo te Eteleno i oluga o te tuuga; pea nee ina ui leva: Ko au ko te Eteleno, ko te Atua o tau tamai ko Apalahamo, pea ko te Atua o Isaake. Ko te kele aena e ke moe ai, e au foaki anai ia kia koe mo tou hakoga.

Nee ala ake leva ia Sakopo i tana moe, o ui: E nofo mooni te Eteleno i te kogamea aeni, kae e mole au iloi ia ia.

Pea nee fai leva e Sakopo tana fakapapau, o ui: Kapau e nofo te Atua mo au, o taupau au i te fagona ae e au fai, kapau e ina tuku mai he pane ke au kai mo ni teu ke au tui, pea kapau e au toe liliu i te tokalelei ki te fale o taku tamai, pea e liliu anai te Eteleno ko toku Atua. Ko te maka aeni kua au fakatuu pea kua au fakatapui, e liliu anai ko te fale o te Atua; pea e au foaki anai kia ia te vaega hogofulu o te u mea fuli ae e ina foaki mai anai kia au.

E tatau anai tou hakoga mo te efu o te kele; e ke mafolafola anai ki te potu uesite mo te potu esite, ki te potu noleto mo te potu saute; pea e tapuakina anai te u famili fuli o te kele ia koe mo tou hakoga.

Pea nee ina tuku leva ki te kogamea aia te higoa ko Petele; kae nee higoa te kolo i mua atu ko Lusi.