Priljubljene svetopisemske vrstice iz SENESI 24

Deli

Pea nee ina ui leva: Eteleno, Atua o toku aliki ko Apalahamo, e au kole atu kia koe ke ke ofa o fakafelavei au i te aho nei mo ia ae e au loto ki ai. Pea e ke fakaha anai i ai tou ofa ki tau tagata faifekau ko Apalahamo!

Ko te taahine ae e au ui anai ki ai: E au kole atu kia koe, ke ke momoli mai mua tau hina vai ke au inu, pea ka ina tali mai anai: Inu, pea e au toe foaki foki ke inu au kamelo, ke liliu ia ia ko te fafine ae kua ke fakatuutuu ki tau tagata faifekau ko Isaake! Pea e au iloi anai i te mea aena e ke ofa ki toku aliki.

Pea nee taki leva e Isaake ia Lepeka ki te falela o tana fae ko Sala; nee too leva e Isaake ia Lepeka ke liliu ko tona ohoana. Nee ofa leva ia Isaake kia ia, pea nee fimalie leva tona loto i te puli o tana fae.

Nee na tapuaki leva kia Lepeka, o ui kia ia: Oi sioma tuagaane, ke ke liliu ko he fae a ni toko afe pea mo miliate, pea ke pule tou hakoga ki te matapa o ona fili!

e au loto ke ke fakapapau ki te Eteleno, ko te Atua o te lagi pea ko te Atua o te kele, ke aua naa filifili anai ki toku foha he fafine i te u taahine o te kau Kanaane ae e au nofo ai, kae ke ke alu ki toku fenua, ki toku fale o filifili mai ai he ohoana ki toku foha ko Isaake.