Priljubljene svetopisemske vrstice iz EKESOTE 2

Deli

Nee logo leva te Atua ki anatou tagi, pea nee ina manatui leva tana fakapapau kia Apalahamo, mo Isaake, mo Sakopo. Nee sio leva te Atua ki te u fanau a Iselaele, pea nee ofa leva ia ia kia natou.

Nee hili ki ai he temi fualoa pea nee mate leva te hau o Esipito. Nee fetagihi te u fanau a Iselaele i te mamafa o te popula. Pea nee natou kalaga ki te Atua. Nee kaku leva ki te Atua anatou tagi i te lahi o tonatou mamahi.

Nee tupu ake leva te fanau o lahi, pea nee ave leva ia ia e te fafine ki te ofafine o Falaone, pea nee hage leva ia ia kia ia ko hana tama totonu. Nee ina tuku leva ki te fanau te higoa ko Moisese, koteuhi nee ina ui, nee au too ia ia mai te vai.

Pea nee ui leva e te ofafine o Falaone kia ia: Ave te fanau aeni o fakahuhu, pea ke taupau ia ia kia au; e au foaki atu anai kia koe tou totogi. Nee too leva e te fafine te fanau o ave, pea nee ina fakahuhu leva ia ia.

Nee hifo leva te ofafine o Falaone ki te vaitafe o maanu, kae nee evaeva leva te u taahine ae nee omai mo ia ia tafa o te vaitafe. Nee sio leva te taahine ki te kato i te ulu kaho, pea nee ina fekau leva tana taahine faifekau ke alu o aumai ia ia.

I te temi aia, kua tagata leva ia Moisese, pea nee alu leva ia ia o ahiahi ki ona tehina, pea nee sio leva ia ia ki te u gaue kinakina ae kua hilifaki kia natou. Nee sio leva ia ia ki he tagata Esipito ae nee ina ta he tagata Hepeleo i ona tehina. Nee sio haele leva ia ia, pea nee mole sio ia ki he tahi; pea nee ina tamatei leva te tagata Esipito, o fufu ia i te one.