Priljubljene svetopisemske vrstice iz Gyenesise 39

Deli

Na AWURADE gyinane Yosef si, maa ɔɔyɛle sona bɔ ye nwo ba mvorɛ ɔ, na ɔtenane ye mene Misraimniɛ n’awuro.

Yiti ɔfale ye nningyein amukoraati wurale Yosef sa. Na ɔnate kyɛ Yosef wɔ berɛ ne ati, né ɔnha ye nwo wɔ nikye fee nwo, sana aleɛ bɔ okoli angome. Né Yosef nwo yɛ nyemene na ɔbɔ pe.

Kuku nu neafoɛ ne fale bɛ bɔ begua kuku nu berɛ amukoraa wurale Yosef sa, na bɔ ɔhɔle so berɛ biala Yosef yeɛ né ɔnea so ɔ.

Yiti Yosef ye mene fale Yosef ɔɔtole kuku nu, nekaa bɔ bɛfa Faro kukunufoɛ begua ne, na ɔlale kuku nu. Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ.

Mmerɛ bie asi ne, Yosef ye mene aye tuli ye nye siele ye so, na ɔhane kyɛ, “Ɛne me la.” Nakoso Yosef ambene, na osele ye mene aye ne kyɛ, “Eh, ɔnate me bɔ nwɔ wa ne ati, me mene ɔnha ye nwo wɔ awuro wa nikyee biala nwo; wafa ye nningyein amukoraati wawura me sa. Awuro wa de, ebiala nni mu ndra me, yeɛ ɔmva hwee mmɔ me aheɛ, sana wɔ ngome, ofikyɛ ɔye ole wɔ. Nzu ati yeɛ nyɔ sɔ amumuyɛɛ piri ye na nyɔ bɔne ndia Nyameɛ ɔ?”

Ɛlɛho bie, Yosef hɔle awuro berɛ kyɛ ɔkwaayɔ ye adwuma, na né sona fee nne awuro berɛ. Braa ne sɔle Yosef ataadeɛ nu hyɛle ye kyɛ, “Ɛne me la!” Nakoso ofotili, na ɔyakyili ye ataadeɛ ne wɔ braa ne sa nu nwatili fili awuro berɛ.