Priljubljene svetopisemske vrstice iz Joele 2

Deli

Ndu kakiane mbata Latuyalaka ati: Nyukaluli le mi lʼetema anyu tshe, Kame lʼekilelu ka mbu ya nde, kame la alelu la tukuku.

Lʼokongo wʼakambu ane, Dimi layahe antu tshe nyuma kami, Ku anʼanyu wʼapami la wʼamantu wayuta akambu wahatayi, Esumbi anyu wayena alo, La elongo anyu wʼapami wayena waenelo.

Nyati etema anyu, aha ahondo. Nyukaluli le Latuyalaka, Unyashungu anyu, Ne dia ndi eli kanga ketshi la ngandji ka shikaa. Ndi huki kele esadi, eko too la ololo wa mamba, Ndu atolembaka utema lu kolo katundulangaka ntuma.

Lʼetena keso, untu tshe layeta lukumbu la Latuyalaka, ayushimbamela. Uku ukati Latuyalaka ati: Antu amotshi weli lʼukungu wa, Siona ndu la Jerusalema wayuhanda. Latuyalaka ayeta amotshi uma lʼatei wʼatshikadi.

Unya ayukadimo udjima, ngondo ayukadimo dikila, la ntundu ka lushi la Latuyalaka latayi, lushi la wuki ndu la woma.