Priljubljene svetopisemske vrstice iz Nzuá 4

Deli

Nzambi Nzumbi, oso a mu bheza, ki bhinga a mu bheza mu nzumbi ni mu kidi.

Maji dikumbi dí diza-phe, o diene dia bhixila kiá, dia abhezi a kidi ku bheza Tata mu nzumbi ni mu kidi. Kuma Tata muène uandala abhezi a kala kiki, ni a mu bheze.

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Muhatu, uixi: Ngana, eie kuala ni kizenzu kia kusunga na-kiu o menha, kixima kia zongo. O menha ma muenhuʼó, u ma sanga kuebhi?

Muhatu ua mu ambela, uixi: Ngejiia kuma Mexiia ió a mu ixana Kristu, ua-ndu kuiza; hinu se ueza, Mùene u tu jimbuila ima ioso. Kuala Jezú: Eme-muène ngi Kristu, nga-lu zuela ni eie.

Zenu mu sange diiala dia ngi tangela ima ioso i nga bhanga jinga. O kuila ki mùene Kristu?