Priljubljene svetopisemske vrstice iz Mateo 2

Deli

Wayiman yaykushpanmi wamrata y maman Maríata taripäkurqan. Tsaymi wamrapa nawpanman qonqurpakuykur adorapäkurqan. Nirkurnami apashqan qorita, inciensuta y mïrrata qarapäkurqan.

Herodes rey kashqan witsanmi Judea provinciacho kaykaq Belén markacho Jesús yurirqan. Yuriykuptinmi qoylar estudiaq runakuna inti jeqamunan kaq lädupita Jerusalénman chayaykur tapukurqan kayno nir: <<¿Maychötaq Israel runakunapa mandaqnin rey kananpaq yuriq iti kaykan? Qoylarnin jeqamuqta rikarmi payta adoraq shapäkamushqä>>.

Tsayta rikarmi fiyupa kushikärirqan.

Herodes kaqman manana kutinanpaq Tayta Dios sueñuynincho revelaptinmi juk nänipana markanman kutikärirqan. Qoylar estudiaqkuna aywakuptinnami Joséta sueñuynincho Tayta Diospa angilnin kayno nirqan: <<Herodesmi wamrata wanutsinanpaq ashitsinqa. Tsawraqa kanan höra sharkur wamrata mamantinta Egiptuman qeshpitsiy. Tsaycho tämunki yapay wilanäyaq>>.