Priljubljene svetopisemske vrstice iz Filipiicenge 4

Deli

Na phagiren šeró péske ni pal so, ne kažno mólo, kiéli tumé mangénape Devléske, mangénpe parikiribnasa te otčhakiren péskire patierja (molitvy) angíl Devléste

i Devléskiro ramánjo (miro), savó isyn vučedýr kažnoné amaré džinybnastyr, javéla te rakhél tumaré ile i godý dro jekhipén Isusósa Xristosósa.

I ake, pšalále miré, saró, so isyn čačunó, so nane xohanó, so isyn patiaibnýtko, so isyn žužó, so isyn mol te sykavél patýv, so isyn patyvalo, kóli isyn vari-savó lačhipén i vari-savó šaribén, jekh pal davá tumé duminen.

Me saró mogináva te vyrikirav zorjása, saví Xristóso déla mánge.

Radynénpe ŭsády (sak) dro tumaró jekhipén Rása-Devlésa: i me nevéstyr phenáva: “Radynénpe.”

Ne mek miro Devél te pherdiakirel saró, so tuménge trej pir Péskiro barvalypén dre sláva pir Isusóste Xristosóste.

Saró, so tumé vysyklyne, i so prilyné i šundlé, ci so tumé dykhné dre mánde, dová i kerén, i Devléskiro ramánjo (miro) javéla tuménca.

Mek saré manušá te džinén tumaré-iléskiro kovlypen, Raj Devél isyn sarésa pašýl.

Me džináv te dživáv i dro čororipen i dro mištypén, me vysyklyjom sareske i dro saró, te javav čalo i te vyrikirav bokh, te javav dro mištypén i te javav dro nauhtylyben.

Me rakiráva davá na paldová, so mánge vari-so trej; ne paldová so me prisyklyjom te javav rado sareske, so mánde isyn.