Priljubljene svetopisemske vrstice iz Filipiicenge 1

Deli

me patiáva zoralés dro dová, so Devél, Kon lyjá te kerél dre tuménde davá lačhó réndo, javéla te kerél ke/žýko dová Dyvés, kiéli nevéstyr javéla Isúso Xristóso

I me mangavape Devléske pal dová, sob (kaj) tumarí patýv ke javír manušá usá butýr i butýr te barjol pir džinybén i kažno xor ĥalyibén, sob (kaj) tumé moginénas te rozlen (te rozgaljon), so isyn fedýr vaš tuménge, sob (kaj) tumé te javén žužé i bibangipnaskire dro Dyvés, kiéli Xristóso javéla

Paldavá so džiibén vaš mánge isyn Xristóso, i meribén davá isyn butýr džiibén Xristosósa

Me parikirava miré Devléske, kiéli kažno mólo ripirava pal tuménde

Dživén gožes adiáke, sob (kaj) te javén lačhé Xristosóskire – bahtalé zaniake (zviesiake), sob (kaj) me, kiéli javáva i dykháva tumen, ci na javáva, ne sob (kaj) te šunav tuménde, so tumé san terdé zoralés dro jekh dúho (fáno), so tumé marenape khetané pal patiaibén dre bahtalý zan (zvies')

Me džinóm zoralés i me patiáva, so mánge ni dro so na javéla ladžavo, a me, syr ĥaredyr, adiáke-pac' i kakaná bi darákiro, javáva te barjakirav patýv Xristosóske miré džiibnasa, ci javáva me džidó, ci muló.

pal-dová so tuménge sys dynó vaš Xristosóske na so te patián dre Léste, ne i te piridživen mén'ki pal Léste