Priljubljene svetopisemske vrstice iz Vygiiben 34

Deli

I progijá Raj Devél angíl léskiro muj, i phendiá: “Raj Devél, Raj Devél (Jahvá), Devél, Savéske isyn dróga manušá i Savó tanginela, Savó ĥará (dlúges) vyrikiréla i but tange-ilytko i čačunó, Savó rakhéla láska vaš tysjoncy manušénge, Savó otmekéla bang i čoripén, i grého, Savó na jačkiréla bi otphenybnaskiro, Savó čhuvéla kára pal dadengiri bang dre čhavénde i čhavéngire čhavénde ke tríto i štárto ródo.”

pal-dová so túke naštý te mangespe javire devloreske, apríč Raste-Devléste; pal-dová so lav Léskiro-Rievnitieljo (Zevlynari); Jov isyn Devél Zevlynari.

I Raj Devél phendiá: “Ĥáda, Me sčhuvava zavieto (dorakiribén): angíl saré tyré manušénde Me keráva dívy, savé na sys pir sarí phuv i ni savé manušénde; i dykhéna saré manušá, maškír savénde Tu san, Mirí Devléskiri butý; pal-dová so darano javéla dová, so Me keráva vaš túke