Priljubljene svetopisemske vrstice iz Efiesianenge 1

Deli

i sob (kaj) Devél te kovliakirel tumaré ile i te otčhakirel tuménge jakhá, sob (kaj) tumé te udžinén dová lačhó užakiribén, ke savó Jov tumen khardiá, i savó barvaló isyn meknó mištypén pir dynó lav, Léskire slavakiro, vaš sventonenge, i savó bimierakiro isyn Léskiro baripén zoralypnaskiro vaš aménge, savó Jov déla saré sventonenge, savé patiána dro Léskire-zoralypnaskiro keriben, Savó Jov sykadiá dre Xristosóste, kiéli Jov otdžidiakirdiá Les muléndyr i čhudiá pir čačuný rig Péstyr dro Bolybnáskiro Rajo, vučedýr baré randyr, saré zor'jendyr i kažnoné zorjátyr dro davá svéto i kažnoné lavéstyr, so isyn na jekh dro davá viéko, ne i dro viéko, savó angíl javéla

Jov vykedyjá amen dre Léste angledýr, syr sozdyjá svéto, sob (kaj) ame te javas svénta pir jekhipén Xristosósa i bidošakire angíl Léste pir patýv ke javír manušá; Jov vykedyjá amen pir Isusóste Xristosóste, sob (kaj) ame te javas Léskire čhavé pir Péskiro vykedyiben i vólia

dre Savéste i pir Saveskiro Rat ame sam vykindle (vyrakhne), amaré gréhi isyn otmekne pir Léskiro barvaló bahtalypén

Mek te javél bahtiakirdó Devél i Dad amaré Devléskiro Isusóskiro Xristosóskiro, Savó bahtiakirdiá amen dro jekhipén Xristosa kažnoné Duhóskire bahtiakiribnása dro Bolybnáskiro svéto