Priljubljene svetopisemske vrstice iz Javír Zakóno 4

Deli

Ne kiéli tu javésa te rodes odój Ras-Devlés, tyré Devlés, tedy lathesa Les, kóli javésa te rodes Les saré tyré ilésa i saré tyré diesa.

Pal-dová so Raj Devél, tyró Devél, isyn Raj Devél tangipnaskiro; Jov na jačkiréla tut i na xasiakiréla tut, i na zabistrela zavieto tyré dadénca, savó Jov sovlahasa dyjá lénge.

pal-dová so Raj Devél, Devél tyró, isyn jag, saví xála, isyn Devél zevlynypnaskiro.

Féni (tóka), rakhpe, i garav rakhunes tyró di, sob (kaj) túke te na bistres dolé réndy, savé dykhné tyré jakhá, sob (kaj) jone te na vydžán tyré iléstyr dre saré tyré džiibnáskire dyvesá; i rosphen pal lénde tyré čhavénge i tyré-čhavéngire čhavénge

I tu akaná džin i čhuv pe tyró iló, so Raj Devél isyn Devél uprál pe bolybén i pe phuv telál, i nane butýr apríč Léste

Pal-dová so, ci isyn savé baré manušá, ke savé develá léskire te javén by adiáke pašýl, syr pašýl ke ame Raj Devél, amaró Devél, kiéli ame kharasa Les?

Kiéli tu javésa dre bída, i kiéli saró davá lathéla tut dre saré dyvesá, so iščo (inké) javéna, tedy tu risjosa ilésa ke Raj Devél, Devél tyró, i šunesa Léskiri zan (glos).

te na pričhuvén ke dová, so me rakirdjom tuménge, i te na otlen doléstyr; rakhén Ráskire-Devléskire, tumaré Devléskire priphenybená, savé me dáva tuménge.