Priljubljene svetopisemske vrstice iz 2 Korinfianenge 5

Deli

Paldavá, kon isyn dro jekhipén Xristosósa, kodová jačélape sýrby nevó manúš: phuranó dúho (fáno) léstyr gijá, nevó zagijá

Pe Xristosóste, Savéste na sys grého, Devél čhudiá saré amaré gréhi syr svénto otdyibén, sob (kaj) ame te jačaspe čačunenca angíl Devléste pir Xristosóste.

pal-dová so ame dživasa pir patiaibén, a na pir dová, so ame dykhasa

saró davá isyn Devléstyr, Savó zmirindia (kerdiá rahmanonénca) amen Pésa pir Xristosóste i dyjá zadyiben aménge te primirinas javirén: pal-dová so Devél pir Xristosóste primirindia svéto Pésa i primangdia léngire gréhi, i Jov čhudiá dro amaró iló lav, sob (kaj) ame te jačas Léske rahmanone manušénca.

I ame sam bičhadé manušá Xristosostyr sýrby Devél rakiréla Léskiro lav pir aménde, i ame mangasa vaš Xristosóste: jačénpe rahmana (javén khetané) Devlésa.

Jov myjá pal sarénde, sob (kaj) džidé manušá te na dživén vaš péske, ne vaš Léske, Kon myjá pal lénde i otdžidyjá vaš léngiro lačhipén. Paldavá kakaná ame na sendinas manušén pir dalé-svetoskiro manušýtko; a kóli ame i sendindiam Xristosós, syr saré sendinena, tedy ame butýr na kerása adiáke.

Pal-dová so Xristososkiri láska propatiakirela amen, savé pridžinena davá, so; kóli Jekh myjá pal sarénde, tedy saré myné vaš phuranó džiibén