Priljubljene svetopisemske vrstice iz Mbaromanu 4

Deli

A kera ta akpelan sha ityendezwa i Aôndo sha u una na jighjigh ga ze, kpa a taver sha jighjigh u nan, lu nan Aôndo icivir. A fa dedoo er kwagh u A tende zwa yô, shi ngu a agee a eren un kpaa.

Kape i vande ngeren kpaa la er, M ver u ter u akuraior cii. Lu sha ishigh ki Aôndo u a na Un jighjigh la er Un ka Aôndo u nderen mbakpenev shi A yer akaa a a lu ga la er a̱ lu yô.

Ka Un u i ne Un ken ku sha ci u akaabo ase shi i nder Un kpaa sha ci u ishô yase ye.

A na jighjigh sha ishimaverenkeghen ape ishimaverenkeghen ma i lu ga la, er una va hingir ter u akuraior er i vande kaan un nahan la er: Kape tsombor wou ua lu la.

Ka nahan man i lu sha jighjigh u nan ye, sha u i̱ lu kwagh u mrumun u sha mhôôn, ityendezwa i̱ de lu kwagh u tenger ga sha tsombor na cii, ka mba ve ver ishima sha atindi la tseegh ga, kpa ka ve mba ve lu ken jighjigh u nan u Aberaham la kpaa, un u a lu ter wase cii la.

Saan mba i de ve aferakaa a ve la iyol, shi i cir asorabo a ve kpaa la. Saan or u Ter A kera we isholibo i nan ker ga la iyol.

Gadia icighanruamabera kaa nana? Aberaham na Aôndo jighjigh nahan i gema i nenge kwagh la er ka perapera na je la.