Priljubljene svetopisemske vrstice iz ỌMWỤ ỌDADA 26

Deli

Ọọwa lẹ, Amkpaa a byi Ayịsiki yẹkẹẹ, “Ayịsiki, aa kụ ám ọ-ọpyị nya ala iFilisitiya ọlẹ mẹ. Ó-ri ká myị họ ịnyị aalẹ, Am Ohe Oluhye ayịdang ka hụ tang ụka wuu, Am ka wahị kụrụng nya ịlẹhị-ịlẹhị. Am ka hu ọpyị ọlẹ wuu hang bala anyị ịtụma nyang wuu, chajị am ayịdang ka họ ọnụ ọmyịmyị nya iro ọnwanwa ọlẹ kam nwa ha adang Ebiraham ene-ene jịra pyii lẹ.

M ka họ ká anyị ịtụma nyang ka pyẹ ju iru lala ịdịchụ iluhye-ọgba. M̀ ka hu ọpyị ọlẹ wuu ha anyị ịtụma nyang wuu. Bwu ẹga nya anyị ịtụma nyang, am Ohe Oluhye a ka wahị kụrụ alẹpwụma ịkịla ilodehe ọlẹ wuu lẹlẹ. Am ayịdang ka họ ọnụ ọmyịmyị nyam ịwẹ wuu jịra chajị Ebiraham ju ihi nya ehile bala ọna ọdada bala myị kpa ehile nyam ịlẹ wuu kam dọọ. Ọ họ ẹla ọlọnụ nyam wuu jịra ịnyịnyị.”

Ọọwa lẹ, Ayịsiki a mwụ rụ hi ẹgẹwẹ kele kịlahị kaka kụ ụ-ụwa lẹlẹ. Ọ myịmyị wu ịwẹẹlụ ọkịla ụ-ụwa. Ugbẹnyị lẹ, ala ịGẹra á ya ẹlẹlẹhẹ taa u-uhye nyamwụ kaka. Ọọwa, Ayịsiki a wụrụ iwẹẹlụ ọọwa iRehobotu lẹlẹ. Ang odudu ri ọwa ayịdang yẹkẹẹ, “Ụgbẹnyị lẹ, Amkpaa ya ẹga ọpwọọ da hahị lẹ. Ang wuu ka nwa kele kịlahị-ịlahị hahị ẹgẹlẹ lẹ.”

Ene ká Ayịsiki ka mwụ rụ kele ka epweji nya ịGẹra, Amkpaa kele ka ẹga nya Ayịsiki kaka byoo yẹkẹẹ, “A mwụ rụ ka ọpyị nya ala Ijipiti koo! E-epweji ọkịla ọlẹ kam wẹẹ ka mẹjẹng, ọ-ọpyị nya ala iFilisitiya ịlẹ, a ka mwụ rụ ka kụ lẹ.”

Ayịsiki me ogidi okiliya ha Amkpaa ụ-ụwa. Ọọwa, ọ gbịgba ha Ohe Oluhye ụ-ụwa lẹlẹ. Ịnyị lẹ, Ayịsiki a ya ube nya ọdụ nyamwụ yeji ụ-ụwa lẹ, anchẹ nyamwụ a wu ịwẹẹlụ ọkịla ụ-ụwa lẹlẹ.