Priljubljene svetopisemske vrstice iz AMatiyu 7

Deli

“Risim yin, ba da ki nɔɔk yin; tsɛsɛk yin, i da sɛs yin; yes yin, ba da ki fok yin na ba ki tarak yin katitu me.

Nek ngma anet fɛ́ a risim, a shashang; ayɔng fɛ́ a tsɛsɛk, a sɛs, ayɔng fɛ́ a yes, ba ku foos na ba ku tarak ne.

“Nek anɔng ngma ayɔng fɛ́ a fok ifɛ̀ deng, a di ra kutomong, a se tɛ atsitsɛng anet fɛ́ a nok kari wu naton agbondong.

Nek anɔng, ayɛt akaakyɛ, nye yin bakak ikyɛng fi iyin shim yin ba ki ra yin e, nek igang ntsi aMusa nɛ ijɛk batan yɔng.

Awɛt katitu fɛ́ ka se hyoot, fɛ́ ka tsaas banet sak i sɛ kutset, banet gyet fɛ́ ba ses inɔs ka.

“Nɔ yin abak katitu ka hyoot e, nek katitu fɛ́ ka se gbey, ka se byɛrɛ ni itsaas banet sak ni irèn iwɛs bá, banet dot di nɔɔs ni ka.

Ki iyin fi i bɛ̀ yin anyas, ngma na anɔng, i rēn nyes yin nnang ntek sak ni nnon yin, awɛt Ada yin fɛ́ a se na azanɛn da mak nesek nnang ntek sak na bayɔng fɛ́ ba ku rip!

“I bi tsɛk yin bakak ishɔt awo, kɔn Adakunom bi ki tsɛɛt yin ishɔt ba. Nek kuri ishɔt fi i tsɛk yin bakak e, anɔng wu fɛ́ Adakunom bi ki tsɛɛt yin ne, kuri ikyɛng imaas fi i di maas yin bakak ne, ni kuri ye fɛ́ Adakunom bi ki maas yin mo ne.

Awɛt ngma ayɔng fɛ́ a fok ifɛ̀ deng, a ma rawu dang di ra kutomong ni ide, a se nagbɔng ti ishɔp anet fɛ́ a nok kari naton izɛk.

“Akyɛ sak fi ngɔn yɛrɛ kabi nkukɔ yɔng fɛ́ ka se ni iyisi arunyining, ni i won dang daam ni kukum yɔng fi ku se ni iyisi ngɔn ɛ? Na anɛ fi ngɔn da fɛ̀ na arunyining yɛ, ‘Won in da tun kabi nkukɔ yɔng fɛ́ ka se ni iyisi ngɔn,’ ni kukum momo ni iyisi ifɔɔn ɛ?

“Nye yin nhwyɛ nɛ batan mbɔɔs. Ba bɛs ni yin ti itsamang, awɛt ikyɛng fi iba yet, yet, afulul agbayɔrɔ. I da ka ba rēn yin nek kuri ntomong fɛ́ ba ras. Ba da kyem ba tsɛ ba kpe anap ni itsitsan ɛ? Ke na ba bɔs ica atafo ni itin itsitsan ɛ?

Idɔng anɔng, kaakyɛ kakon katek tes ica itek, nɛ kaduk tes ica iduk e.

Kakon katek da kyem ka tes ica iduk e awo, ke na kakon kaduk e tes ica itek awo.

Kaakyɛ kakon fɛ́ ka raka dang tes ica itek, ba da tɛmɛng kaman, ba da barak ika ayɛt irong.